Gidan-yarin Roumieh: Yadda tabarbarewar tattalin arzikin Lebanon ta shafi babban kurkukun kasar
An wallafa
Latsa hoton da ke sma domin kallon bidiyon:
A halin yanzu Lebanon tana fama da tabarbarewar tattalin arziki mafi muni a tarihinta kuma hakan yana shafar gidajen-yarinta.
Mutanen da ke tsare a kurkukun da 'yan uwansu suna kokawa kan rashin yawa da ingancin abincin da ake ba su.
Daga rashin ingancin abinci da rashin kula da lafiya, Lebanon - kasar da ba ta iya ciyar da sojojinta- tana fama wajen kula da fursunoninta.
Rashin gudanar da shari'a a kan lokaci yana ta'azzara halin da fursunoni suke ciki.
Sashen Larabci na BBC ya samu damar shiga gidan-yarin Roumieh, kurkuku mafi girma a kasar.