Ajax ta tsuga farashin Anthony, yaya batun zuwan Jong United?

Rahoto kai-tsaye

Mohammed Abdu

1. 28 Yuni 2022Labaran da jaridu ke wallafawa da suka shafi cinikin 'yan kwallo, Daga Jaridu

   Jaridar(Mirror)ta ce babu tabbas ko United na iya daukar Antony a yanzu, bayan da Ajax ta nemi fam miliyan 70 kansa.

   Ita kuwa Newcastle na dab da kammala cinikin mai tsaron bayan Lille Sven Botman kan fam miliyan 32, don mayar da hankali kan buda cinikin dan wasan gaban Reims Hugo Ekitike duk dai a Faransa.(Mail)

   Ana hasashen PSG za ta nada Christophe Galtier a matsayin sabon koci don maye gurbin Mauricio Pochettino, wanda ake sa ran ya bar kungiyar duk da lashe kofin gasar League 1.(ESPN)

   Barcelona ta shirya kyale Ousmane Dembele ya bar kungiyar, idan kwantiraginsa ta kare a ranar 30 ga watan Yuni. Tuni Bayern Munich da Chelsea da kuma PSG suka nuna sha'awar kulla yarjejeniya da shi.(Marca)

2. 28 Yuni 2022Djokovic ya fara kare kofinsa na Wimbledon Open

   Mai rike da kofin Wimledon Open, Novak Djokovic ya fara kare kambinsa da kafar dama, bayan da ya casa Kwon Soon-woo a wasan zagayen farko da suka kece raini.

   Djokovic mai fatan lashe kofi na bakwai jumulla a gasar da ake yi a kan ciyawa, zai zama saura daya ya tarar da Roger Federer a tarihin yawan lashe wasannin.

   Dan kasar Serbia ya yi nasara a kan dan kasar Koria ta Kudu da ci 6-3 3-6 6-3 6-4, kuma wasa na 22 da ya ci a jere a gasar ta Wimbledon mai dan karen farin jini.

3. 28 Yuni 2022

4. 28 Yuni 2022Real Madrid ta samu karin magoya baya miliyan 1.7 a kafar sada zumunta

   Real Madrid ta samu karin magoya baya a kafar sada zumunta da suka kai miliyan 1.7 a Twitter da Facebook da Instagram da kuma YouTube a makon da ta lashe Champions League na 14 in ji wani bincike daga Blinkfire Analytics.

   Wannan kididdigar ta haura zakarun da suka lashe Champions League da suka hada da Chelsea da Bayern da kuma Liverpool.

   Tun daga 2018 da Real Madrid ta lashe Champions League na 13 a birnin Kiev, ba wata kungiyar da ta samu tarin magoya baya a kafar sada zumunta fiye da kungiyar Santiago Bernabeu.

5. 28 Yuni 2022Kevin de Bruyne ya cika shekara 31 da haihuwa

   An haifi Kevin De Bruyne ranar 28 ga watan Yunin 1991, yana da shekara 31 kenan.

   Ga jerin kungiyoyin da ya buga wa tamaula

   Matashin dan wasa

   1997–1999 KVV Drongen

   1999–2005 Gent

   2005–2008 Genk

   Kwararren dan kwallo

   2008–2012 Genk

   2012–2014 Chelsea

   2012–2013 Wasannin aro a Werder Bremen

   2014–2015 VfL Wolfsburg

   2015–Manchester City

   Tawagar Belgium

   2008–2009 Belgium U18

   2009–2010 Belgium U19

   2010–2011 Belgium U21

   2010–Belgium

6. 28 Yuni 2022Tottenham na neman 'yan wasan Everton biyu, Tottenham

   Sky Sports ta wallafa cewar Tottenham na fatan sayen dan kwallon Everton, Richarlison - ta kuma kara da cewar kungiyar da Antonio Conte ke jan ragama tana kuma da burin daukar Anthony Gordon.

7. 28 Yuni 2022Fernandinho da Sterling da Gabriel Jesus

   Bayan da Fernandinho ya bar Manchester City, Raheem Sterling da Gabriel Jesus na shirin barin Etihad - ko yaya Pep Guardiola zai sauya wasanninsa a kungiyar.

8. 28 Yuni 2022Barkanmu da kasancewa

   Jama'a barkanmu da kasancewa a shirin labaran wasanni da yadda kasuwar saye da sayar da 'yan kwallo ke gudana a rana irin ta yau.

   Sunana Mohammed Abdu Mamman Skeeper zan gabatar da shirin da fatan za ku kasance da BBC Hausa a koda yaushe.

   Za ku iya bayar da gudunmuwa ko tafka muhawara a BBC Hausa Facebook ko a Twitter.