Liverpool ta bayar da tazarar maki 8 a saman teburi

Rahoto kai-tsaye

Umar Mikail and Buhari Muhammad Fagge

1. 10 Nuwamba 2019Liverpool 3-0 Man City, Liverpool 3-0 Man City

   Wasan ya bude kowa na kai kora babu jin tsoro.

2. 10 Nuwamba 2019Ana yi wa Sterling ihu, Liverpool 3-0 Man City

   Har yanzu magaoya bayan Liverpool ba su daina yi wa Sterling ihu ba, kuma fa a hakan ma sun ci wasa kenan. Me zai faru kenan da su ake ci?

3. 10 Nuwamba 2019Katin gargadi ga Rodri, Liverpool 3-0 Man City

   Rodri ya karbi katin gargadi.

4. 10 Nuwamba 2019Liverppol ta yi canji, Liverpool 3-0 Man City

   Henderson ya fita Milner ya shigo tare da karbar kambun kaftin.

5. 10 Nuwamba 2019Liverpool 3-0 Man City, Liverpool 3-0 Man City

   Ana ta yi wa Pep ihu amma bai damu ba. Yana ta karawa yan wasansa karfin gwiwa na ganin sun rama kwallon da aka ci.

6. 10 Nuwamba 2019Liverpool 3-0 Man City, Liverpool 3-0 Man City

   Liverpool ta hana City ta rika samun dama har takai da ta rama ko da kwallo daya daga cikin kwallon da aka ci ta.

7. 10 Nuwamba 2019Man City, Liverpool 3-0 Man City

   Aikin ya kara kwabewa City ina mafuta?

8. 10 Nuwamba 2019Manchester City, Liverpool 3-0 Man City

   Wanene ya yi saura akwai Agüero akwai Sterling akwai De Bruyne...

9. 10 Nuwamba 2019Sterling, Liverpool 3-0 Man City

   Sterling ya fara motsi kamar yadda ya kamata.

10. 10 Nuwamba 2019Liverpool 3-0 Man City, Liverpool 3-0 Man City

    Abin da ake gudu ya faru anya City za ta farfado daga baccin da take?

11. 10 Nuwamba 2019GOAL '50 Maneeeeeee, Liverpool 3-0 Man City

    Mane ya kara ta uku...

12. 10 Nuwamba 2019Mane, Liverpool 2-0 Man City

    Yau dai Mane ya buya a wasan ba kamar yadda yake motsi ba a wasannin baya.

13. 10 Nuwamba 2019Liverpool 2-0 Man City, Liverpool 2-0 Man City

    Da alamun City ta dawo da karfinta. Amma abin gudun shi ne kar ayi irin na wasan Wolves da Aston Villa su fita neman ci a karshe a zo a kara musu wata kwallon.

14. 10 Nuwamba 2019Mo Salah da abokan aikinsa, Liverpool 2-0 Man City

    Mo Salah da abokan aikinsa ba za su huta ba sai sun tabbatar sun tafi da maki ukun nan domin dai ko ba komai sun san cewa magoya baya Premier League ne kawai a gabansu.

15. 10 Nuwamba 2019An dawo wasa, Liverpool 2-0 Man City

    Duka bangarorin sun dawo cikin karsashi da kwarin gwiwa.. Liverpool na son kare kwallon da ta ci yayin da City ke neman farke kwallon da aka zira mata.

    Idan City ta sake aka tashi haka to babu mamaki Liverpool ta dauki kofin Premier. Wa ya sani ne!

16. 10 Nuwamba 2019Pep, Liverpool 2-0 Man City

    Pep Guardiola ya zaku a dawo ga shi nan a tsaye na jiran yan wasa su fito a ci gaba da wasa.

17. 10 Nuwamba 2019Gary Lineker, Liverpool 2-0 Man City

    Leicester ce kawai za ta iya cinye Liverpool a yanzu.

18. 10 Nuwamba 2019Hutun rabin lokaci, Liverpool 2-0 Man City

    Liverpool na kara tabbatr da matsayinta na babu wanda ya cinye ta a Premier bana, City na tsaka mai wuya ko don wajenta da za ta rasa a teburin gasar ta koma matsayi na 4.

    Menene zai faru a rabin lokaci na biyu? sai mun gani ku kasance tare da mu har karshen wasan.

19. 10 Nuwamba 2019Anfield ta dau sowa, Liverpool 2-0 Man City

    Filin wasa na Anfield ya harke da sowa yayin da kungiyoyin ke saka wa juna matsi.

    Ana iya cewa ba a san maci tuwo ba gaskiya duk da cewa Man City ta fi taka rawa.

20. 10 Nuwamba 2019Liverpool 2-0 Man City, Liverpool 2-0 Man City

    Fernandinho ya kwace kwallo mai kyau a hannun Salah.. da alama kuma Salah ya bugu a kafarsa ga shi nan dai a kwance.