Liverpool ta bayar da tazarar maki 8 a saman teburi

Rahoto kai-tsaye

Umar Mikail and Buhari Muhammad Fagge

1. 10 Nuwamba 2019Karshen sharhi

   Nan ne muka kawo karshen sharhin wasannin gasar Premier da suka gudana a yau Lahadi. Mu na godiya gare ku da kuka kasance tare da mu Umar Mikail da Buhari Muhammad Fagge ne ke cewa mu kwana lafiya.

2. 10 Nuwamba 2019Jadawalin Premier, Jadawalin Premier

3. 10 Nuwamba 2019Mun ci kwallo masu ban mamaki., Liverpool 3-1 Man City

   Kocin Liverpool Jurgen Klopp,ya tattauna da BBC Sport:"Suna da matukar kyau, dole mu kare bangarenmu ta yadda za mu iya, amma mun ci kwallo masu ban mamaki.

   "Akwai matukar wahala wasa da su, a zahiri yake yadda wasan ya yi zafi, kuma ya cancanci hakan, ba karamin abu bane, suna taba kwallon daga waje, Sterling. ta yaya muka rike shi? saboda kunga abin da ya faru lokacin da muka kasa rike shi.

   "Yaran sun nutsu sun kuma mai da hankali. abin farin ciki ne, wannan ce kawai hanyar da za mu iya cin ye City, wtakila a samu wasu kungiyoyin da za su iya hakan ta wata hanyar daban, amma mu daita wannan hanyar ce kawai za mu iya doke su.

   Yaya kake ganin kwallon farko? matsalar VAR ce, na ga yadda tattauanwar kafin kwallon farko, kuma na dan jira inga mai zai faru, aka ga ba matsala ba ce. Dole in yi murna a daren yau.

   "Duk wasan da muke da City wasa ne na kallo kamar wannan, amma banda wasanmu na gida na bara, saboda an fimu kokari, amma wannan ba shi ne wasan da ya fi kyau ba, amma ya yi kyau na ji dadin wasan."

4. 10 Nuwamba 2019Abin takaici, Liverpool 3-1 Man City

   4- Pep Guardiola ya fi yin rashin nasara a waje a kowacce gasa a filin wasa na Anfield sama da kowanne filin wasa a duniya matsayinsa na koci

5. 10 Nuwamba 2019Anfield shi ne filin wasan kwallon kafa mafi wahala a duniya., Liverpool 3-1 Man City

   A tattaunawarsa da BBC Sport kocin Manchester City ya ce" ina taya Liverpool murna, sun ci kwallo uku, mun ci daya amma ina alfahari da 'yan wasana, kalilan ne za su iya zuwa nan su yi abin da muka yi."

   "Mun fara wasan yadda ya kamata, mun kuma nuna kwarewa, sune zakarun Turai kuma filin wasansu shi ne mafi wahala a duniya, sun buga shot biyu sun kuma ci kwallo biyu.

   "Ba karamin abu bane bayan an ci ka kwallo biyu ka yi abin da muka yi, wannan na daya daga cikin wasan da yafi birge ni da yan wasana suka buga, wannan kuma shi ne muke bukata, kuma za mu ci gaba da hakan.

   Da aka tambaye shi kwallon farko da aka ci City sai ya ce, "kuje ku tambayi Mike Riley da mutanensa."

6. 10 Nuwamba 2019Liverpool ta lallasa City, ta yi dare-dare a teburi, Liverpool 3-1 Man City

   Liverpool ta gwada wa Man City kwanji tare da tura ta matsayi na hudu a teburin Premier daga matsayi na biyu da take a baya.

   Maki 8 ne tsakanin Liverpool da kuma kungiyoyin Leicester City da Chelsea wadanda da ke a matsayi na biyu.

   Dan wasan tsakiya Fabinho ne ya fara jefa kwallo a minti na 6 da fara wasan, kafin daga baya Mohammed Salah ya ci tasa a minti na 13.

   Sadio Mane ne ya kara kwallo ta uku a minti na 51, wadda kuma ita ce kwallo ta 18 da ya ci a wasa 17 da ya buga a filin wasa na Anfield.

   Bernardo Silva ne ya farke kwallo daya da City ta iya jefawa a makare a watro minti na 78.

   Liverpool ce kungiya daya tilo da har yanzu ba a yi nasara a kanta ba a gasar Premier ta bana.

   Manchester City ce kawai ta ci Liverpool din a baya a gasar Premier kwana 311 da suka gabata.

7. 10 Nuwamba 2019An tashi, Liverpool 3-1 Man City

   Liverpool ta tabbata a saman teburi da maki 8 tsakanin ta Leicester da ke matsayi na biyu.

8. 10 Nuwamba 2019Sadio Mane, Liverpool 3-1 Man City

   Sadio Mane ya ci kwallo 18 a wasa 17 da ya buga a filin wasa na Anfield.

9. 10 Nuwamba 2019An kara minti 4, Liverpool 3-1 Man City

   Ba karamar asara ba ce ga City idon aka tashi a haka.. kuma da alamar hakan ne zai faru

10. 10 Nuwamba 2019, Liverpool 3-1 Man City

    Jurgen Klopp na neman tsira da kwallon da ya ci...

11. 10 Nuwamba 2019Liverpool ta yi canji, Liverpool 3-1 Man City

    Salah ya fita Gomez ya shiga.

12. 10 Nuwamba 2019Liverpool 3-1 Man City, Liverpool 3-1 Man City

    City ta mamaye kwallon tana neman kara farkewa cikin kasa da minti 5 kafin a tashi.

13. 10 Nuwamba 2019Sterling da Guardiola, Liverpool 3-1 Man City

    Sterling da Guardiola na korafin sun samu finareti biyu ba a basu ko daya ba.

14. 10 Nuwamba 2019Ra'ayoinku daga Facebook, Liverpool 3-1 Man City

15. 10 Nuwamba 2019Liverpool 3-1 Man City, Liverpool 3-1 Man City

    City ta buda filin tana neman kara farke kwallo. Sterling ya kama da wuta.

16. 10 Nuwamba 2019Liverpool ta yi canji, Liverpool 3-1 Man City

    Roberto Firmino ya fita Alex Oxlade-Chamberlain ya shigo

17. 10 Nuwamba 2019GOAL '77 Bernardo Silva, Liverpool 3-1 Man City

    Bernardo Silva ya zare wa City kwallo daya cikin ukun da aka ci ta

18. 10 Nuwamba 2019Liverpool 3-0 Man City, Liverpool 3-0 Man City

    Kiris ya hana Mane ya ci gida.

19. 10 Nuwamba 2019Sadio Mane, Liverpool 3-0 Man City

    Sadio Mane ya ci kwallo 18 a wasa 17 da ya buga a filin wasa na Anfield.

20. 10 Nuwamba 2019Man City ta yi canji, Liverpool 3-0 Man City

    Agüero ya fita Gabriel Jesus ya shigo