An rufe rukunin shagunan Jabi Lake a Abuja saboda fargabar rashin tsaro

Rahoto kai-tsaye

Umar Mikail

1. 27 Oktoba 2022Mahara sun kashe masu ibada 15 a Iran

   Hukumomi a Iran sun ce aƙalla mutum 15 ne suka mutu a loƙacin da aka kai hari wani wurin bauta da ke kudancin kasar.

   Kafar yaɗa labaran Iran ta rawaito cewa wasu mutum 19 sun ji mummunan rauni lokacin da aka bude wuta kan masu ibada a yammacin Laraba a wurin bauta na Shah Cheragh da ke yankin Shiraz.

   Cikin hotunan da kafar talbijin ɗin ta nuna, an ga yadda jini yake malala ta kasan ginin, yayin da mutane ke ta gudu, wasu da rauni, wasu na kokarin taimakon wadanda suka fadi.

   Shugaba Ebrahim Raisi ya dora alhakin harin kan masu tsaurin kishin Islama mabiya Sunna.

   Ƙungiyar ISIS mai iƙirarin jihadi ta ɗauki alhakin kai harin.

2. 27 Oktoba 2022Assalamu Alaikum

   Ma'abota BBC Hausa, barkanmu da sake haɗuwa a shafin labarai kai-tsaye da zai kawo rahotanni daga sassan duniya tare da Umar Mikail.

   Za mu fi mayar da hankali kan abubuwan da ke faruwa a Najeriya da Nijar da maƙwabtansu.

   Da fatan kun wayi hantsin Alhamis lafiya.