Kana amfani da shafin BBC mai bayyana rubutu kawai (babu hoto) domin rage cin data. Idan ana so a ga hotuna da bidiyo sai a koma babban shafinmu.
Wannan shafi na kawo muku abubuwan da ke faruwa a sassan duniya kai-tsaye, musamman game da yaƙin Ukraine.
Awwal Ahmad Janyau and Umar Mikail
Ma’aikatar tsaron Rasha ta tabbatar da kama birnin Melitopol a Ukraine, al’amarin da kamfanin dillacin labarai na Reuters ya bayyana a matsayin gari mafi muhimmanci da aka ƙwace tun lokacin da Rasha ta fara mamayar Ukraine a ranar Alhamis.
Melitopol na kusa da garin Mariupol, da ke yankin kudancin Zaporizhzhya.
Yan Ukraine 150,000 ke zama a Melitopol
Gwamnatin Najeriya ta ce ba za ta iya kwashe ƴan ƙasarta ba a Ukraine har sai an buɗe filayen jiragen sama a ƙasar da ke fuskantar hare-haren Rasha.
Rasha na ci gaba da kai hare-hare a Ukraine, bayan da shugaba Putin ya bayar da umarnin mamaye ƙasar.
Ma’aikatar harakokin wajen Najeriya ta ce ƴan Najeriya 5,600 ne a Ukraine, kuma yawancinsu ɗalibai ne.
Ƙungiyar ɗaliban ta yi kira ga shugaban Najeriya Muhammadu Buhari da gaggauta kwashe su daga Ukraine.
A ranar Juma’a ministan harakokin wajen Najeriya Geoffrey Onyeama ya ce gwamnati ta damu da halin da ƴan Najeriya ke ciki a Ukraine.
Muna maku maraba da kasancewa da mu a wannan shafin inda muke kawo maku labarai da rahotanni kan abubuwan da ke faruwa a Najeriya da sassan duniya