'Yan sanda sun kama mutum 40 kan yajin aikin 'yan A-Daidaita-Sahu a Kano

Rahoto kai-tsaye

Umar Mikail and Imam Saleh

1. 10 Janairu 2022Korona ta kashe ƙarin mutum shida a Najeriya

   Hukumar NCDC mai yaƙi da cutuka masu yaɗuwa a Najeriya ta ce cutar korona ta kashe ƙarin mutum shida ranar Lahadi a ƙasar.

   Haka nan, hukumar ta ce an samu ƙarin mutum 537 da suka kamu da cutar.

   Sabbin kamuwar sun fito ne daga jiha takwas, ciki har da Abuja babban birnin Najeriyar. Jihohin su ne:

   • Rivers (313)
   • Lagos (178)
   • Abuja (19)
   • Kaduna (11)
   • Gombe (6)
   • Ogun (6)
   • Ekiti (3)
   • Abia (1)

   Ya zuwa yanzu, jumillar mutum 248,312 ne aka tabbatar sun harbu da cutar a Najeriya, yayin da 3,077 suka rasa rayukansu.

2. 10 Janairu 2022Assalamu Alaikum

   Barkanmu da sake haɗuwa a shafin rahotanni kai-tsaye, inda za mu kawo abubuwan da ke faruwa a sassan duniya, musamman a Najeriya da Nijar da maƙotansu.

   Umar Mikail ne ke tare da ku a wannan hantsi na Litinin - mande tushen aiki.