An yi jana'izar tsohon dan takarar gwamnan jihar Zamfara da 'yan bindiga suka kashe

Rahoto kai-tsaye

Awwal Ahmad Janyau and Nasidi Adamu Yahaya

1. 22 Nuwamba 2021'Zinedine Zidane ya nuna cewa ba ya da sha'awar horar da Man Utd'

   Yunƙurin Manchester United na ɗauko Zinedine Zidane ya gamu da cikas, inda wasu majiyoyi na kusa da tsohon kocin Real Madrid ya ce ba ya sha'awar zuwa Old Trafford.

   Karanta labarin a nan

2. 22 Nuwamba 2021Ƙarin mutum 57 sun kamu da korona a Najeriya

   Hukumar daƙile cutuka masu yaɗuwa a Najeriya, NCDC, ta ce karin mutum 57 ne suka kamu da cutar korona a faɗin ƙasar ranar Lahadi.

   Mutanen sun haɗar da 30 a jihar Legas, da 9 a Enugu, da 7 a jihar Rivers da ke kudu masu gabashin ƙasar.

   Ragowar jihohin sun haɗar da Kaduna mai mutum 3, da Osun mai mutum 3, sai kuma jihohin Abia, da Bauchi, da Kano da Ogun da Plateau da a can kuma aka samu mutane ɗaƴa-ɗaya.

   Yanzu dai jumullar waɗanda suka kamu da cutar a Najeriya tun bayan ɓullarta sun kai 213,589, ko da yake an sallami 206,518.

   Adadin waɗanda suka rasa rayukansu sanadin cutar kuwa ya kai 2,974.

3. 22 Nuwamba 2021Maraba

   Muna maku maraba da kasancewa da mu a wannan shafin da muke kawo labarai da rahotanni kan abubuwan da ke faruwa a Najeriya da sassan duniya.