Taliban ta sake ƙwace biranen lardi biyu

Rahoto kai-tsaye

Umar Mikail

1. 14 Agusta 2021Yuli ne wata mafi tsananin zafi a tarihi - Ƙwararru

   Masana a Amurka sun tabbatar da cewa Yuli ne wata mafi zafi da kasar ta taɓa gani a tarihi.

   Sun ce a watan da ya gabata irin tsananin zafin da ya rika tasowa daga gulbi abu ne da ba taba gani ba tun bayan karni na 20.

   Tsananin zafin da aka yi a Amurka cikin watan Yuli ya zarta wanda aka gani shekara 142 da suka wuce, a cewarsu.

   Su ma kasashen Turai da suka hada da Italiya da Portugal da Sifaniya na fuskantar tsananin zafin da ba su saba ganin irinsa ba.

   Wakilin BBC ya ce tsananin zafi a makon da ya wuce ya kai maki 48.8 a ma'aunin salshiyos a tsibirin Sicily, wani abu daba a taba gani ba a nahiyar Turai.

   Haka ma tsananin zafin ya dinga haifar da wutar daji a sassa daban-daban na Turan.

2. 14 Agusta 2021Cutar korona ta kashe ƙarin mutum 12 a Najeriya ranar Juma'a

   Hukumar daƙile cutuka masu yaɗuwa a Najeriya, NCDC, ta ce karin mutum 12 sun rasa rayukansu sakamakon cutar korona ranar Juma'a.

   Rahoton da NCDC ta wallafa a daren jiya ya ce wasu 636 sun kamu da cutar a jiha 17 na ƙasar.

   Ya zuwa yanzu, adadin mutanen da suka kamu a faɗin ƙasar sun kai 181,297, sai dai 166,709 sun warke. Akwai kuma mutum 2,211 da suka mutu.

   Jihohin da aka samu masu cutar ranarJuma'a:

   Legas -291

   Ribas -117

   Taraba -58

   Akwa Ibom -54

   Kwara -28

   Ekiti -14

   Oyo -11

   Edo -9

   Osun -6

   Bayelsa -5

   Gombe -4

   Delta -4

   Abia -3

   Flato - 3

   Sokoto -1

3. 14 Agusta 2021Assalamu alaikum

   Barkanmu da hantsin Asabar tare da fatan hutun ƙarshen mako na tafiya yadda ya kamata.

   Umar Mikail ke muku maraba da sake haɗuwa a shafin rahotanni kai-tsaye.

   Za mu kawo labaran abubuwan da ke faruwa a sassan duniya a wannna rana, musamman a Najeriya da Nijar da maƙotansu.