Kwamishina ya rasu a Sokoto

Rahoto kai-tsaye

Umar Mikail and Awwal Ahmad Janyau

1. 10 Mayu 2020Jihohin arewa hudu da ke kan gaba a yawan masu cutar korona

   Duk da cewa cutar korona ta soma bulla ne a jihohin da ke kudancin Najeriya kafin ta shiga arewacin kasar, amma dai a yanzu jihohin arewa su ne ke kara samun yawaitar masu dauke da cutar idan ka cire jihar Legas.

   Cikin 'yan kwanaki kadan, masu cutar korona jihohi hudu da ke arewa suna da mutum fiye da dubu daya da aka tabbatar su na fama da cutar covid-19.

   Jihohin su ne Kano da Bauchi da Borno da kuma Katsina.

   Izuwa ranar Asabar da daddare - akwai masu cutar korona 576 a jihar Kano, sai kuma 161 a jihar Bauchi, da wasu 159 a jihar Borno sai kuma jihar Katsina mai mutum 156.

   A bisa jerin jadawalin masu cutar a fadin Najeriya, jihar Kano ce ta biyu a yayin da jihar Legas ne kadai ke gabanta.

2. 10 Mayu 2020Matashiya

   • Fiye da mutum miliyan hudu ne aka tabbatar sun harbu da cutar korona a duniya, a cewar alkaluma daga Jami'ar Johns Hopkins
   • Karin 'yan Najeriya kusan 239 ne aka tabbatar a ranar Asabar sun kamu da cutar korona, adadin masu cutar a daukacin kasar ya kai 4,151, in ji hukumar dakile cutuka masu yaduwa ta kasar
   • Tsohon shugaban Amurka Barack Obama ya bayyana yadda wanda ya gaje shi yake yaƙi da annobar korona a matsayin wani mummunan yanayi mai rikitarwa. Obama ya ce matakin janye tuhumar da ake yi wa tsohon mai ba Trump shawara kan sha’anin tsaro Michael Flynn wanda ya amsa yi wa hukumar FBI karya, hatsari ne ga doka
   • Magajin garin Seoul, babban birnin Koriya ta Kudu, ya rufe wuraren shakatawa ranar Asabar a birnin bayan an samu dandazon wadanda suka kamu da cutar korona kwanaki kadan bayan sassauta dokar kulle. A ranar Lahadi mutum 34 suka kamu a kasar - mafi yawa a cikin wata guda

3. 10 Mayu 2020Barkanku da safiyar Lahadi

   Masu bibiyarmu barkanku da safiyar Lahadi.

   Umar Mikail ke muku maraba da shigowa shafinmu mai nkawo rahotanni kai-tsaye game da abubuwan da ke faruwa a sassan duniya musamman kan annobar korona.