Coronavirus ta bulla a kasashen Afirka 26

Rahoto kai-tsaye

Umar Mikail

1. 15 Maris 2020Hotunan baraguzan gine-gine

2. 15 Maris 2020Yadda wannan iftila'i ya shafi wasu

   Wani a shafin Twitter ya wallafa bidiyon yadda wannan lamari ya shafi abokinsa inda gidan da yake da kuma motocin gidan duk sun lalace.

3. 15 Maris 2020An ceto mutum 15

   Jami'an Kungiyar Red Cross sun tabbatar wa BBC da cewa an samu nasarar ceto mutum 15 a halin yanzu daga wata makaranta da gininta ya ruguzo kuma suna asibiti ana duba lafiyarsu.

4. 15 Maris 2020Yadda wasu ke tserewa suna barin yankin da abin ya faru

   Tuni wasu da ke zaune a Unguwar Abule Ado suka fara gudun hijira sakamakon firgicin da suka shiga a safiyar yau.

5. 15 Maris 2020Jami'an hukumar NSCDC sun hallara

   Jami'an hukumur tsaro ta NSCDC sun isa wurin da lamarin ya faru.

   A halin yanzu suna bincike da kuma duba yadda abubuwa suke kuma ana sa ran za su yi karin bayani.

   Wasu mazauna wannan wuri sun shaida cewa akwai gwamman mutane da ba a ceto ba wadanda ke ciki wani hali.

   An samu nasarar ceto wata mata da kuma wasu dalibai uku inda tuni aka wuce da su asibiti domin duba lafiyarsu.

6. 15 Maris 2020Bidiyo: Ruwa ya kare a motar kashe gobara

   Motar kashe gobara kenan za ta koma debo ruwa domin a ci gaba da kashe wuta

7. 15 Maris 2020Bidiyo: Yadda jama'a ke zuwa gane wa idonsu abin da ya faru

8. 15 Maris 2020'Bututun mai ya fashe a Legas'

   Rahotanni daga jihar Legas na cewa an samu fashewar bututun mai a Unguwar Abule Ado a jihar da ke kudu maso yammacin Najeriya

   Gajimarin hayaki ya turnike sararin samaniya bayan afkuwar lamarin.

   Wakilanmu da ke Legas din sun shaida mana cewa gidaje da dama ne suka rushe kuma yanzu haka babu cikakken bayani dangane da rayukan da suka salwanta sakamakon wannan iftila'i.

   Tuni dai jami'an bayar da agajin gaggawa ciki har da kungiyar Red Cross International suka garzaya wurin domin bayar da agaji.

9. 15 Maris 2020Farawa

   Bayani kan maƙala

   • • Marubuci, Mustapha Musa Kaita
     • Sanya sunan wanda ya rubuta labari, Multi-Media Broadcast Journalist

   Masu bibiyarmu barkanmu da wannan rana ta Lahadi, wannan shafin zai kawo muku rahotanni da kuma labarai kan abubuwan da ke faruwa a Najeriya da wasu sassan duniya, a ci gaba da kasancewa tare da mu.