Abubuwan da ke faruwa a Najeriya da sauran sassan duniya 26/10/2024

Rahoto kai-tsaye

Abdullahi Bello Diginza da Ahmad Bawage

1. 26 Oktoba 2024Masu zaɓe sun fara fita rumfunan zaɓe

   Wasu mutane sun fara fita rumfunan zaɓe domin kaɗa ƙuri'arsu a zaɓen ƙananan hukumomi jihar Kano mai cike da taƙaddama.

   Wata kotun tarayya dai ta bayar da umarnin ɗage zaɓen, yayin da babbar kotun jihar ta bayar da umarnin gudanar da shi.

   Babbar jam'iyyar hamayyar jihar, APC ta ce ba za ta shiga zaɓen ba

2. 26 Oktoba 2024An fara raba kaya a zaɓen ƙananan hukumomi a jihar Kano

   Hukumar zaɓen jihar Kano ta fara rabar da kayyakin zaɓen ƙananan hukumomi a faɗin jihar.

   Jam'iyyun siyasa shida ne suka shiga zaɓen na yau, kamar yadda shugaban hukumar zaɓen jihar Farfesa Sani Lawan Malumfashi ta tabbatar.

   Babbar jam'iyyar hamayyar jihar APC ba ta shiga zaɓen ba.

   Tun da farko dai a cikin makon nan ne wata kotun tarayya ta bayar da umarnin ɗage zaɓen saboda abin da ta kira kura-kurai a hukumar hanyar da ka bi wajen naɗa jagororin hukumar zaɓen.

   To sai dai a ranar Juma'a, babbar kotun jihar ta bayar da hukuncin da ya ci karo da na farko, bayan da ta ce a gudanar da zaɓen.

3. 26 Oktoba 2024Asslamu alaikum

   Masu bin shafin BBC Hausa kai-tseye barkanmu da safiya, fatan kun wayi gari lafiya.

   Abduallhi Bello Diginza ke kasancewa da ku a daidai wannan lokaci, domin kawo muku irin wainar da ake toyawa a faɗin duniya.

   Ku biyo mu shafukanmu na sada zumunta domin tafka muhawara kan labara da muke wallafawa.