Abubuwan da ke faruwa a Najeriya da sauran sassan duniya 30/01/2026

Wannan shafi ne da ke kawo muku abubuwan da ke faruwa a Najeriya da sauran sassan duniya na ranar Juma'a 30 ga watan Janairun 2026.

Taƙaitattu

Kotu ta rusa shugabancin PDP karkashin Tanimu Turaki
An zane ma'aurata a Indonesiya kan laifin aikata zina da shan giya
Isra'ila ta ce za ta buɗe mashigar Rafah ta Gaza da Masar
Iran ta ce a shirye take ta tattauna da Amurka amma bisa mutunta juna
CAN ta soki lamirin masu son a sauke shugaban INEC
Sojojin Najeriya sun ceto wani fasto daga hannun ƴanbindiga a Enugu
Latsa nan domin shiga zaurenmu na Whattsapp
Makwancin Sheikh Ahmad Al Tijani a Moroko
'Abin da ya sa ba za mu amince da duk wani sakamakon zaɓen da Shugaban INEC ya sanar ba'

Haruna Kakangi, Isiyaku Muhammed, Aisha Babangida da Ahmad Bawage

30 Janairu 2026Za mu mayar da martani idan aka kai mana hari - Iran
Shugaba Trump ya ce yana son kauce wa ƙaddamar da harin soja a kan Iran, ko da yake al'amura na iya sauyawa idan har Tehran din ta ci gaba da shirinta na Nukiliya.
Ya shaida wa 'yan jarida a birnin Washington cewa zai yi magana da Iran din. Tehran dai ta yi barazanar duk wanda ya ce kule, za ta ce masa cas.
Wani babban jami'in sojan kasar Birgediya Janar Mohammad Akraminia, ya ce karfin sojinsu, ta kai su iya kai hari kan duk wani sansanin sojin Amurkar da ke gabas ta tsakiya.
Da farko Shugaba Trump ya yi gargaɗin cewa sojojin Amurkar za su kai hari idan Tehran ta kashe fararen hula da ke zanga-zangar adawa da gwamnati ne, kafin daga bisani ya sauya tunani.
30 Janairu 2026Buɗewa
Jama'a barkanmu da wannan safiya ta Juma'a daga wannan shafin namu na BBC Hausa, inda za mu ci gaba da kawo muku labaran kai-tsaye na abubuwan da suke faruwa a Najeriya da sassan duniya.
Za ku iya leƙawa shafukanmu na sada zumunta na facebook da X da kuma whatsapp domin karanta wasu labaran da kallon bidiyo da ma tafka muhawara.