Abubuwan da ke faruwa a Najeriya da sassan duniya

Rahoto kai-tsaye

Umar Mikail da Haruna Kakangi

1. 31 Disamba 2024Kotun Koriya ta Kudu ta ba da umarnin kama shugaban ƙasa da aka tsige

   Kotu a Koriya ta Kudu ta bayar da sammancin kama Shugaban Ƙasa Yoon Suk Yeol, wanda majalisa ta tsige da dakatar da shi sakamakon kokarin da ya yi na sanya dokar soji a ƙasar.

   Masu bincike sun buƙaci a bayar da sammanci ne bayan ya ƙi amsa gayyatar da aka yi masa domin amsa tambayoyi.

   Ba a faɗi lokacin da za a kamo shi ba, sai dai wakilin BBC a birnin Seoul ya ce ana fatan wannan barazana ta iya tilasta wa Mista Yoon gabatar da kansa.

   Wasu 'yan kasar na ta tsokacin cewa tuntuni ya kamata a kama shugaban bayan ya ayyana batun kafa dokar soji.

   Lauyansa dai ya ce sammacin kama shugaban ya saba doka da 'yancinsa na ɗan'adam.

2. 31 Disamba 2024Maraba

   Ma'abota BBC Hausa, barkamu da sake saduwa a shafin labarai kai-tsaye na ranar Talata.

   Umar Mikail ne zai kawo rahotonnin abubuwan da ke faruwa a sassan duniya, musamman a Najeriya da maƙwabtanta bisa kulawar Haruna Ibrahim Kakangi.

   Mu je zuwa.