Abubuwan da ke faruwa a Najeriya da sauran sassan duniya, Alhamis 10/07/2025

Rahoto kai-tsaye

Usman Minjibir, Abdullahi Bello Diginza da Umar Mikail

1. 10 Yuli 2025Birnin Kyiv ya fuskanci sabbin hare-haren jiragen sama cikin dare

   Babban birnin Ukraine, Kyiv, ya fuskanci sabbin hare-haren jiragen saman Rasha a cikin dare.

   An samu rahotannin tashin gobara da asarar rayuka a wasu gundumomi.

   Hukumar bayar da agajin gaggawa ta Ukraine ta ce mutum uku ne suka mutu a wani harin da Rasha ta kai gari a yankin gabashin ƙasar.

   A yau Alhamis ne ake sa ran sakataren harkokin wajen Amurka Marco Rubio zai gana da ministan harkokin wajen Rasha Sergei Lavrov a Malaysia.

   A baya-bayan nan ne dai shugaba Trump ya bayyana rashin jin daɗinsa da shugabancin ƙasar Rasha yayin da yaƙin Ukraine ke ci gaba da ta'azzara.

2. 10 Yuli 2025Za a samu sabbin masu kamuwa da HIV miliyan shida nan da 2029 - MDD

   Shirin Majalisar Dinkin Duniya kan cutar sida ko HIV/AIDS ya yi hasashen samun ƙarin masu kamuwa da cutar miliyan shida - da kuma mutuwar mutum miliyan hudu - nan da shekarar 2029 sakamakon katsen tallafin da Amurka ke bayarwa kan yaƙi da cutar.

   A yau ne ake sa ran Shirin yaƙi da cutar zai fitar ta rahotonsa game da yawaitar kamuwa da cutar a duniya.

   Afrika ta kudu ita ce ƙasa da ta fi yawan mutane da ke ɗauke da Cutar HIV a duniya kuma kafin watan maris na wannan shekarar ita ce ƙasar da ta fi samun tallafin yaƙi da cutar daga Amurka.

   Majalisar Dinkin Duniya ta ce tallafin da Amurka ta bayar a baya ya taimaka wajen rage kamuwa da cutar da kashi sittin cikin dari tun shekara ta 2000.

3. 10 Yuli 2025Masu bin shafin BBC Hausa kai-tsaye barkanmu da safiya.

   Abdullahi Bello Diginza ke fatan sake kasancewa da ku a daidai wannan lokaci domin kawo muku irin wainar da ake toyawa a fain duniya.

   Kuna iya tafka muhawara kan labaran da muke wallafawa a shafukanmu na sada zumunta.