KAI TSAYE, Gasar kofin duniya 2026: Brazil 1 - 1 Moroko

Rahoto kai-tsaye

Mai gabatarwa Mohammed Abdu da taimakon AI

1. Mintuna 2 da suka wuce, Brazil 1-1 Morocco

   Yanzu dai Moroko ne suka yi bani in baka tun daga gurbin masu tsaron baya ana wani gudu da ƙwallo har kusa da ragar Brazil, daga karshe an fitar da ƙwallon ba wani haɗari.

2. Mintuna 4 da suka wuce, Brazil 1-1 Morocco

   An buga kwallon daga can gefe ta wuce ta cikin gidan Moroko, amma babu wani ɗan Brazil da ya kamata ya yi wani abu, kenan ƙwallon ya yi faɗi.

3. Mintuna 6 da suka wuceAn je ɗan karamin hutun shan ruwa

   A wannan lokacin ana fuskantar yanayi mai zafi a Amurka, hakan ya sa ya zama wajibi alkalin wasa ya bayar da damar aje a sha ruwa a hutu a goge gumi, sannan a ci gaba da taka leda.

4. Mintuna 8 da suka wuceMoroko ta yi canji, Brazil 1-1 Morocco

   Fabinho ya ji rauni a lokacin da aka bugi bakinsa, yana da kyau ya je a duba lafiyarsa.

   Morocco ta yi canja ƴan wasa biyu, inda Azzedine Ounahi da Bilial El Khannouss suka maye gurbin mai taka leda a Sunderland, Chemsdine Talbi da kuma Samir El Mourabet mai shekara 20, wanda ke taka leda a Faransa tare da Strasbourg.

5. Mintuna 10 da suka wuceBrazil ta kara yin canji na huɗu kenan kawo yanzu, Brazil 1-1 Morocco

   Wannan shi ne canji na huɗu daga biyar da Carlo Ancelotti ya sauya ƴan wasa kawo yanzu. An canja Igor Thiago an maye gurbinsa da Matheus Cunha na Manchester United.

   Saura canji ɗaya ya rage wa Brazil

6. Mintuna 13 da suka wuce, Brazil 1-1 Morocco

   Dukkansu tawagogin na neman kara cin ƙwallo, amma babu wata dama da aka samu, kuma a zagaye na biyu Brazil ta fi dannawa, amma kuma babu wani kalubale daga Moroko.

   Watakila sun gamsu da wannan sakamakon 1-1, domin babu wanda ya yunkura ya kara cin ƙwallo, amma an fi gara leda a gidan Moroko.

7. Mintuna 19 da suka wuce, Brazil 1-1 Morocco

   Wata dama ga Brazil bayan da aka jefa ƙwallo da sauri sauri, amma mai tsaron ragar Moroko, Yassine Bounou ya ɗaga hannayensa sama don hana ƙwallon da Igor Thiago ya buga ta faɗa raga.

8. Mintuna 25 da suka wuce, Brazil 1-1 Morocco

   Dan wasan, Brazil mai taka leda a Newcastle, Bruno Guimaraes, ya yi sa'a da ba a bashi katin gargaɗi ba, sakamkon ketar da ya yiwa mai tsaron bayan Moroko, Achraf Hakimi, amma dai an busa cewa an yi laifi.

9. Mintuna 29 da suka wuceBrazil ta yi canjin ƴan wasa kada a samu matsala

   Tsohon ɗan wasan Liverpool, Fabinho da mai tsaron baya, Danilo wanda ya taka leda a Manchester City, sun canji Casemiro da kuma Roger Ibanez.

10. Mintuna 31 da suka wuceAn koma zagaye na biyu

    Wannan karon Brazil ce ta take ƙwallo ta kuma mayar da ita baya zuwa wajen mai tsaron gida, Alisson, wanda shi kuma ya buga ciki.

11. Mintuna 46 da suka wuceAn tafi hutun rabin lokaci

    Za su huta minti 15 daga baya su dawo cikin fili a kammala minti 45.

    Wasan farko a rukuni na uku a gasar cin kofin duniya tsakanin Brazil da Moroko ana 1-1.

12. Mintuna 48 da suka wuceDama mai ƙyau da Brazil ta ɓarar, Brazil 1-1 Morocco

    Ɗan wasan West Ham, Lucas Paqueta aka bugo masa wata ƙwallo, wadda ya yi tsalle ya buga kamar ma da kafa biyu ya buga, amma ta yi ƙyau daga cikin da'ira ta 19, inda golan Moroko, Yassine Bouou ya yi tsalle ya sa hannu ta yi faɗi.

13. Mintuna 50 da suka wuce, Brazil 1-1 Morocco

    An yi karin minti huɗu, ko haka wasan zai kare ko kuma wata za ta kara cin ƙwallo a cikin waɗan nan lokacin da suka rage?

14. Mintuna 52 da suka wuceWani katin gargaɗi mai ruwan ɗorawa, Brazil 1-1 Morocco

    Wani katin gargaɗi ga Brazil, an kuma bai wa Roger Ibanez, saboda keta da ya yiwa ɗan wasan Moroko, Brahim Diaz.

15. Mintuna 55 da suka wuceKatin gargadi mai ruwan ɗorawa, Brazil 1-1 Morocco

    Katin gargaɗi na farko a wasa mai zai tafi ga Casemiro, wanda zai zama bara zana ga tsohon ɗan wasan Manchester United, yanzu da ya yi wata keta ko sa jikin da bai kamata ba, sai jan kati kenan.

    Saboda haka sai ya yi a hankali a wasan nan.

16. Sa'a 1 da ta wuceGOAL - Brazil 1-1 Morocco, Vinicius Jr

    Vinicius Jr ya samu tamaula daga ɓangaren hagu a kusa da wajen bugun fenariti, bai ɓata lokaci ba ya buga da karfi ta kuma faɗa raga.

    Wasa ya koma 1-0 kenan.

    

    Asalin hoton, Getty Images

17. Sa'a 1 da ta wuce, Brazil 0-1 Morocco

    An ɗan sha ruwa an koma wasan, kuma Moroko ta ci gaba da yin kokari, kuma Achraf Hakimi yana wataya sosai a karawar nan.

18. Sa'a 1 da ta wuceGOAL - Brazil 0-1 Morocco, Ismael Saibari

    Magoya bayan Morocco sune cike da murna da kuwwa.

    Brahim Diaz ya bai wa Ismael Saibari ƙwallo ta tsakiyar masu tsaron bayan Brazil, sai ga shi ga Alisson ya kuma buga ƙwallon ta faɗa raga.

    Ƙwallo mai ƙyau ya ci da ƙwarewa da gogewa.

    

    Asalin hoton, Getty Images

19. Sa'a 1 da ta wuceGOAL - Brazil 0-1 Morocco

20. Sa'a 1 da ta wuce, Brazil 0-0 Morocco

    Dama ga Igor Thiago na Brazil, amma dan wasan Brentford ya samu damar daga yadi na shida da taimakon Vinicius Jr.

    Thiago ya taka rawar gani a kakar da ta wuce da ƙwallo 25 a Premier League.