Coronavirus: Yadda masallatan Abuja suka kasance ranar Juma'a

Karanta rubutu kawai domin rage cin data

An wallafa 27 Maris 2020

Kamar wasu birane da jihohin Najeriya, masallatan juma'a a babban birnin kasar, Abuja sun kasance fayau ba tare da jama'a sakamakon umarnin gwamnati.

Masallacin Abuja — Bayanan hoto, Farfajiyar babban masallacin birnin Abuja ta kasance fayau, da misalin karfe 2:30 na ranar Juma'a ta 27 ga watan Maris 2020.

Babban masallacin Abuja — Bayanan hoto, Nan ma wani bangare ne na babban masallacin Abujar inda kafin yanzu samun wuri a masallacin ga mutumin da ya je a makare to da abu ne mai wuya.

Babban masallacin Abuja — Bayanan hoto, Daya daga cikin kofofin shiga babban masallacin Abuja ta kasance a kulle a ranar Juma'a 27 ga watan Maris na 2020.

Abuja — Bayanan hoto, Filin da motoci suke yi fakin kenan a babban masallacin na Abuja amma a wannan juma'ar wurin ya kasance fayau.

Abuja — Bayanan hoto, Masallacin Annur da ke Wuse 11 a Abuja wanda shi ma ya kasance a kulle sabanin yadda yake a baya, kafin bayyanar cutar coronavirus.

Abuja — Bayanan hoto, Kofar shiga masallacin Annur kenan inda ta kasance a kulle.

Abuja — Bayanan hoto, Nan gefen masallaci na Annur ne inda jama'a ke kafa sahu idan cikin masallacin ya cika.

Abuja — Bayanan hoto, Rumfar da jama'a ke kafa sahu idan cikin masallacin ya cika makil.

Abuja — Bayanan hoto, Nan ma rumfa ce da jama'a ke sallah a masallacin Annur, a duk lokacin da cikin masallacin ya cunkushe.

Masallacin Annur — Bayanan hoto, Kantar ajiye takalma da ke wajen masallacin Annur ta kasance fayau a ranar 27 ga Maris 2020.