Kotu ta yanke wa Maryam Sanda hukuncin kisa ta hanyar rataya
An wallafa
Latsa bidiyon sama domin kallo
Kotu ta yanke hukuncin kisa ta hanyar rataya a kan Maryam Sanda, matar da ta kashe mijinta.
An yanke hukuncin ne bayan gurfanar da matar bisa laifin daba wa mijinta mai suna Bilyaminu Bello wuka a shekarar 2017, sakamakon rikici a tsakaninsu.
A yau Litinin ne kotun ta yanke hukuncin bayan dage zamanta a ranar 25 ga watan Nuwamba.
Sanar da hukuncin ke da wuya, Maryam ta yi ta kuruwa a zauren kotu.
A baya ta musanta zargin inda ta ce mijin nata ya mutu ne sakamakon rauni da ya samu bayan ya fadi a kan kuttun shisha a gidansu.