Jacques Chirac: Hotunan jana'izar tsohon shugaban Faransa

Mourners attend funeral service of late French president Jacques Chirac on 30 September 2019.

Asalin hoton, AFP

An wallafa

Tsohon shugaban Amurka Bill Clinton da Vladimir Putin na Rasha suna cikin tsofaffi da kuma shugabannin duniya masu-ci da suka halarci jana'izar Jacques Chirac, tsohon shugaban Faransa.

Wani rukunin mawaka ne ya yi ta rera waka yayin da tsohon dogarin tsohon shugaban ya ciccibi makararsa, wadda aka lullube da tutar kasar, zuwa cikin cocin Saint-Sulpice da ke birnin Paris.

Chirac ya rasu ne a makon da ya gabata yana da shekara 86.

Ya yi wa'adin mulki sau biyu a matsayin shugaban kasa. An ayyana Litinin a matsayin ranar makoki a kasar Faransa.

Daga cikin masu makokin, akwai dukkanin tsofaffin shugabannin Faransa uku wadanda ke raye - Giscard d'Estaing da Nicolas Sarkozy da Francois Hollande.

Sai kuma shugaba mai-ci Emmanuel Macron, wanda ya bayyana Chirac a matsayin "mutumin kirki" a makon da ya gabata.

A lokacin mulkinsa na farko ne (1995-2002), Jacques Chirac ya sanya Faransa cikin kasashe masu amfani da kudin bai-daya na euro.

A farkon mulkinsa na biyu kuma (2002-2007), ya jagoranci kasashen duniya wajen kin jinin yakin da Amurka ta kaddamar a kasar Iraki.

Tsohon shugaban Amurka Bill Clinton yayin da Edouard Philippe, Firaministan Faransa, yake yi masa maraba a wurin jana'izar Jacques Chirac ranar 30 ga Satumban 2019.

Asalin hoton, Corbis

Bayanan hoto, Tsohon shugaban Amurka Bill Clinton (daga hagu) yana da ra'ayin siyasa irin na Chirac

Daga karshe-karshen rayuwarsa ya sha fama da zarge-zargen cin hanci da rashawa, abin da ya sha musantawa.

People wait to attend a public ceremony in homage to former French President Jacques Chirac on 29 September 2019.

Asalin hoton, AFP

Transparent line

Dubban mutane ne suka yi dogon layi domin kallon gawar tasa a karshen mako.

Visitors wait to view the coffin of former French President Jacques Chirac on 29 September 2019.

Asalin hoton, EPA

Wani lokacin layin yakan kai tsawon kilomita 1 duk da ruwan sama da aka rika yi.

People queue to say a final farewell to former French President Jacques Chirac on 29 September 2019.

Asalin hoton, AFP

Transparent line

Jama'a da dama sun rike lema saboda ruwan sama.

Visitors wait to view the coffin of former French President Jacques Chirac as it lies in state in the Invalides on 29 September 2019.

Asalin hoton, EPA

Bayan an fara ajiye shi a Les Invalides, an mika gawar tsohon shugaba Jacques Chirac zuwa cocin Saint-Sulpice domin bikin karshe na binne shi.

The coffin of former French President Jacques Chirac lies in state in front of a photograph of the late statesman, in the Invalides 29 September 2019.

Asalin hoton, EPA