“Yawan hada-hada ba zai hana ku yin digiri a ABU ba”

Kwalejin Karatu daga Nesa ta Jami’ar Ahmadu Bello Zaria ta ce tana bunƙasa ayyukanta don bai wa ɗumbin masu sha’awar zurfafa ilminsu damar samun karatun digiri na ɗaya ko na biyu, ba tare da sun zauna a aji ba.

Daraktan kwalejin, Professor Aliyu Yahaya ya ce duk yawan hada-hada ko uzurin sana’a ko aikin mutum, kuma a ko’ina mutam yake, hakan ba zai hana shi damar ci gaba da karatu ba a Kwalejin Karatu daga Nesa ta ABU.