Za a yi hutu a Premier League domin ci gaba da FA Cup a karshen mako

Ranar Alhamis za a ci gaba da wasannin zagaye na uku a FA Cup, inda za a buga karawa da yawa, hakan na nufi za a yi hutu a Premier League a karshen mako.

Kawo yanzu an buga wasannin mako na 20 a babbar gasar tamaula ta Ingila, inda Liverpool ke jan ragama da maki 45, sai Aston Villa mai maki 42.

Manchester City ce ta uku da maki 40, iri daya da na Arsenal ta hudu.

Cikin wasannin FA Cup da za a ci gaba da karawar har da fafatawar hamayya tsakanin Sunderland da Newcastle a Stadium of Light ranar Asabar.

Rabon da kungiyoyin biyu su fuskanci juna tun 2016 a wasan hamayya da ake kira Tyne-Wear.

Tun daga ranar Alhamis za a fara karawar zagaye na uku tsakanin Crystal Palace da Everton.

Akwai karawa tsakanin kungiyar da ba ta buga lik, Aldershot Town da mai karawa a Championship, West Brom, yayin da Eastleigh za ta ziyarci Newport County mai buga League Two.

Wani wasa da za a yi ranar Lahadi shi ne tsakanin Liverpool, mai FA Cup takwas da za ta je Arsenal mai kofi 14.

A kuma ranar ce mai rike da kofin bara, Manchester City za ta karbi bakuncin Huddersfield Town.

Ranar Litinin kuwa kungiyar da ke buga League One, Wigan Athletic, wadda ta ci City a wasan karshe a 2013, za ta karbi bakuncin Manchester United.

Wasannin zagaye na uku a FA Cup

Ranar Alhamis 4 ga watan Janairu

Juma'a 5 ga watan Janairu

Asabar 6 ga watan Janairu