Kun san yadda ake shiga jirgin ƙasan Abuja?

Mazauna Abuja na ci gaba da more zirga-zirga zuwa wasu sassan birnin a kyauta, a duk lokacin da suka hau sabon jirgin ƙasa mai sufuri a babban birnin na Najeriya.

Shugaba Bola Tinubu ne ya ƙaddamar da jirgin ƙasan a ƙarshen watan Mayu tun daga lokacin ne ya fara jigilar fasinjoji daga tsakiyar birnin Abuja zuwa filin jirgin saman Nnamdi Azikiwe.

Shugaban Najeriyar ya yi alƙawarin za a ci gaba da jigilar fasinjoji kyauta a jiragen ƙasan har zuwa ƙarshen wannan shekara.