'Yan Real Madrid da aka je da su Napoli

An wallafa

Real Madrid ta ziyarci Napoli, domin buga wasa na biyu a cikin rukuni ranar Talata a gasar Champions League.

Real, wadda take da maki uku a rukuni na uku, ta ci Union Berling 1-0 a wasan farko cikin rukuni ranar Laraba, 20 ga watan Satumba.

Napoli ce ke jan ragamar rukunin da maki uku, bayan ta je ta yi nasara a kan Sporting Braga 2-1 a dai ranar ta Laraba 20 ga watan da ya wuce.

Real Madrid, mai Champions League 14, jimilla tana ta daya a kan teburin La Liga da maki 21, bayan karawa takwas.

Ita kuwa Napoli mai maki 14 tana ta uku a kan teburin Serie A na bana, bayan kammala karawar mako na bakwai.

Napoli ba ta taba lashe Champions League ba a tarihi.

Jerin fafatawa tsakanin kungiyoyin biyu a gasar Zakarun Turai:

Champions League 2016/2017

Talata 07 ga watan Maris din 2017

  • Napoli 1 - 3 Real Madrid
Skip Wanda aka fi karantawa and continue reading
Wanda aka fi karantawa

End of Wanda aka fi karantawa

Laraba 15 ga watan Fabrairun 2017

  • Real Madrid 3 - 1 Napoli

European Cup 1987/1988

Laraba 30 ga watan Satumbar 1987

  • Napoli 1 - 1 Real Madrid

Laraba 16 ga watan Satumbar 1987

  • Real Madrid 2 - 0 Napoli

'Yan wasan Real Madrid da za su kara da Napoli:

Masu tsaron raga: Lunin, Kepa da kuma Cañizares.

Masu tsaron baya: Carvajal, Nacho, Lucas V., Fran García, Rüdiger, Mendy da kuma Carrillo.

Masu buga tsakiya: Bellingham, Kroos, Modrić, Camavinga, Valverde, Tchouameni da kuma Ceballos.

Masu cin kwallo: Vini Jr., Rodrygo, Joselu da kuma Brahim.

Wasannin da za a kara ranar Talata:

  • Red Bull Salzburg da Real Sociedad
  • FC Union Berlin da Sporting Braga
  • Manchester United da Galatasaray
  • FC Kobenhavn da Bayern Munich
  • Inter Milan da Benfica
  • RC Lens da Arsenal
  • PSV Eindhoven da Sevilla