Karon batta tsakanin Real da Atletico a La Liga
Asalin hoton, Getty Images
Real Madrid da Atletico Madrid za su fafata a wasan mako na 23 a gasar La Liga ranar Asabar a Santiago Bernabeu.
Kungiyoyin biyu su kara a wasan hamayya sau biyu a kakar nan, inda Real ta ci Atletico 2-1 a La Liga da kuma 3-1 a Copa del Rey.
Real Madrid tana mataki na biyu a teburin babbar gasar tamaula ta Sifaniya da tazarar maki takwas tsakaninta da Barcelona mai jan ragama.
Atletico Madrid kuwa mai maki 41 tana ta hudu a teburi, bayan kammala karawar mako na 22.
Morata da Griezmann ne kan gaba a ci wa kungiyar kwallaye a La Liga, kowanne ya zura bakwai-bakwai.
Karim Benzema ne na biyu a yawan cin kwallaye a raga mai 11, biye da Robert Lewandowski na Barcelona mai 15 kawo yanzu.
Sauran 'yan Real da kowanne ya ci bakwai-bakwai a La Liga a bana sun hada da Federico Valverde da kuma Vinicius Junior.
Wasan da kungiyoyin suka fuskanci juna a bana:
2022/2023
Copa del Rey Alhamis 26 ga watan Janairu
- Real Madrid 3 - 1 Atl Madrid
La Liga Lahadi 18 ga watan Satumbar 2022.
- Atl Madrid 1 - 2 Real Madrid
'Yan wasan Real da za su kara da na Atletico:
Masu tsaron raga: Courtois, Lunin, Luis López.
Masu tsaron baya: Carvajal, E. Militão, Vallejo, Nacho, Odriozola, Lucas V. y Rüdiger.
Masu buga tsakiya Kroos, Modrić, Camavinga, Valverde, Tchouameni, D. Ceballos.
Masu cin kwallo: Hazard, Benzema, Asensio, Vini Jr., Mariano, Álvaro.
