Akanji zai yi jinyar makonni 10

Dan ƙwallon Manchester City, Manuel Akanji zai buƙaci tiyata a cinyarsa, lamarin da zai sa ya yi jinyar aƙalla makonni 10.

Dan ƙasar Switzerland ɗin mai shekaru 29 ya ji raunin ne a ranar Talata a gasar Champions league da Real Madrid ta doke City da ci uku da biyu.

"Za a yi masa tiyata a ranar Asabar, kuma jinyar za ta kai ta mako takwas zuwa goma," in ji manajansa Pep Guardiola.

An soma wasa 20 cikin 24 tare da Akanji a gasar Premier ta bana kuma ya buga wasa 30 a gasa daban-daban.

Akanji ya shiga rukuni ɗaya da irin su John Stones, Nathan Ake da kuma Ruben Dias da ke jinya a City.

Shi ma Jack Grealish ya ji rauni a lokacin wasan amma bai yi muni ba.

Kocinsa Guardiola ya ce ɗan ƙwallon Ingilan ba zai buga wasansu da New Castle ba a ranar Asabar.