BBC ta gano yadda ake hana mata masu sanya gyale shiga wasu wurare a Masar

Sashen Larabci na BBC ya yi bad-da-kama domin gano yadda wasu 'yan kasuwa suke nuna bambanci ga matan da ke sanya mayafi ko gyale ko kuma hijabi a kasar Masar.

Kundin tsarin mulkin kasar ya haramta nuna wa mutane bambanci saboda launin fatarsu ko jinsu ko kuma matsayinsu a cikin al'umma.

Sai dai BBC ta gano wasu gidajen sayar da abinci da barasa da ba sa bari matan da ke sanye da mayafi ko gyale su shiga.