ઊંધા માથે પટકાયેલું અર્થતંત્ર બેઠું કઈ રીતે થશે?

સરકાર માટે હવે ખરેખર હિંમત દર્શાવવાનો સમય આવી ગયો છે કારણ કે જીડીપીના આંકડા ખરાબ સ્થિતિ અંગે ડરાવી રહ્યા છે.

એવું કહેવામાં આવે છે કે 'ડર કે આગે જીત હૈ.' પરંતુ આ જીત સુધી પહોંચવા માટે હિંમતની જરૂર હોય છે. 40 વર્ષમાં પ્રથમ વખત ભારત મંદીની ઝપેટમાં આવી રહ્યું છે.

એપ્રિલથી જૂનની વચ્ચે ભારતના અર્થતંત્રમાં વધારાને બદલે લગભગ 24 ટકા જેટલું ઘટાડો દેખાયો છે.

એવી પણ આશંકા છે કે આગળના ત્રિમાસિકગાળામાં જ્યારે આ સમાચાર સામાન્ય થઈ જશે ત્યારે પણ ઘટાડો વધારામાં નહીં પરિણમે.

એટલે કે 40 વર્ષમાં પ્રથમ વખત ભારત આર્થિક મંદીમાં સપડાઈ ચૂક્યું હશે. એ પણ એવા સમયે જ્યારે ભારત વિશ્વગુરુ બનાવાની તૈયારી કરી રહ્યું હતું.

આઝાદ ભારતના ઇતિહાસમાં અર્થવ્યવસ્થા આટલી ખરાબ સ્થિતિમાં ક્યારેય આવી નથી. જોકે, આ પહેલાં સુસ્તી અને સ્લૉડાઉનના કેટલાક ઝટકા આવ્યા છે પરંતુ આ વખતની વાત સાવ અલગ છે.

તમે અમનેફેસબુક, ઇન્સ્ટાગ્રામ, યૂટ્યૂબ અને ટ્વિટર પર ફોલો કરી શકો છો