કોરોના વાઇરસની રસી મુદ્દે મળી સફળતા, હવે શું થશે?

સમગ્ર દુનિયા હાલ કોરોના વાઇરસની મહામારી સામે ઝઝૂમી રહી છે. વિશ્વના ઘણા દેશો, વૈજ્ઞાનિકો અને સંશોધકો કોરોના વાઇરસની રસીની શોધમાં લાગેલા છે.

આ તમામ પ્રયત્નોમાંથી ઑક્સફર્ડ યુનિવર્સિટીના સંશોધકો દ્વારા રસી વિકસાવવાની દિશામાં થઈ રહેલા પ્રયાસમાં મોટી સફળતા હાંસલ થઈ હોવાની વાત સામે આવી છે.

આ રસીના શરૂઆતનાં પરિણામ આશાજનક આવ્યાં છે. સંશોધકોએ છ વાંદરાંના એક સમૂહ પર કોરોના વાઇરસની સંભવિત રસી અજમાવી અને સામે આવ્યું કે આ રસી કામ કરી રહી છે.

તેમજ આ રસીની ટ્રાયલ હવે માણસો પર પણ કરાઈ રહી છે. તેમજ આવનારા દિવસોમાં અન્ય વૈજ્ઞાનિકો પાસેથી આ રસીનો રિવ્યૂ કરાવાશે.

તમે અમને ફેસબુક, ઇન્સ્ટાગ્રામ, યૂટ્યૂબ અને ટ્વિટર પર ફોલો કરી શકો છો