બ્રેકિંગ, 'કૉંગ્રેસનું ટ્વિટર હૅન્ડલ થોડા સમય માટે બ્લૉક કરો', કોર્ટનો ટ્વિટરને આદેશ
બેંગલુરુની એક કોર્ટે મ્યુઝિક કૉપીરાઇટ મામલે કૉંગ્રેસ પાર્ટી અને 'ભારત જોડો યાત્રા'ના ટ્વિટર હૅન્ડલને અસ્થાયી રૂપે બ્લૉક કરવાનો આદેશ આપ્યો છે.
એમઆરટી મ્યુઝિકે આરોપ લગાવ્યો હતો કે આ ટ્વિટર હૅન્ડલ ગેરકાયદે ફિલ્મ કેજીએફ ચૅપ્ટર-2ના મ્યુઝિકનો ઉપયોગ કરી રહ્યું છે, જેના કૉપીરાઇટ કંપની પાસે છે.
લાઇવ લૉ વેબસાઇટઅનુસાર, એમઆરટી મ્યુઝિકે કોર્ટમાં એક સીડી ચાલુ કરીને દર્શાવી હતી, જેમાં એક તરફ ઓરિજિનલ કૉપીરાઇટવાળું કામ દેખાડવામાં આવ્યું હતું અને બીજી તરફ તેની નકલ કરીને બનાવેલી સામગ્રી પણ રાખવામાં આવી હતી.
ઇમેજ સ્રોત, @INCIndia
કોર્ટે કહ્યું કે પ્રથમ અરજદાર દ્વારા રજૂ કરાયેલી સામગ્રી સ્થાપિત કરે છે કે જો તેને વધુ જોર અપાશે તો એમઆરટી મ્યુઝિકને નુકસાન પહોંચશે અને આવું કરવાથી કૉપીરાઇટના ઉલ્લંઘનમાં વધારો થશે.
હકીકતમાં આ દિવસોમાં રાહુલ ગાંધી ભારત જોડો યાત્રા પર છે. આ યાત્રાના પ્રચાર માટે સોશિયલ મીડિયામાં કેટલાક વીડિયો શેર કરાઈ રહ્યા છે, જેમાં કેજીએફ ચૅપ્ટર-2ના મ્યુઝિકનો ઉપયોગ કરાયો છે. આથી એમઆરટી મ્યુઝિકે કૉપીરાઇટ ઍક્ટ હેઠળ ફરિયાદ નોંધાવી હતી.
આ લેખમાં X દ્વારા પૂરું પાડવામાં આવેલું કન્ટેન્ટ છે. કંઈ પણ લોડ થાય તે પહેલાં અમે તમારી મંજૂરી માટે પૂછીએ છીએ કારણ કે તેઓ કૂકીઝ અને અન્ય તકનીકોનો ઉપયોગ કરી શકે છે. તમે સ્વીકારતા પહેલાં X કૂકીઝ નીતિ અને ગોપનીયતાની નીતિ વાંચી શકો છો. આ સામગ્રી જોવા માટે 'સ્વીકારો અને ચાલુ રાખો'ના વિકલ્પને પસંદ કરો.
X કન્ટેન્ટ પૂર્ણ
