ગુજરાતમાં વાહનચાલકની પાછળ બેસનારને પણ હેલ્મેટ પહેરવું પડશે?
ગુજરાત સરકારે શહેરી વિસ્તારમાં હેલ્મેટ ના પહેરવાના પોતાના નિર્ણયને લઈને ગુજરાત હાઈકોર્ટમાં સોમવારે યૂ-ટર્ન માર્યો હતો.
સરકારે ગુજરાત હાઈકોર્ટમાં કહ્યું, “તેમણે ટુ-વ્હિલર ચલાવતી વખતે ફરજિયાત હેલ્મેટ પહેરવાના નિયમમાં કોઈ પણ પ્રકારની ‘રાહત’ આપી જ નથી.”
ઊલટાનું સરકારના વકીલે તો હાઈકોર્ટમાં કહ્યું કે, “ગુજરાત સરકારે માત્ર ટુ-વ્હિલર વાહનચાલક માટે જ નહીં, પરંતુ પાછળ બેસનાર માટે પણ હેલ્મેટ પહેરવાનું ફરજિયાત બનાવી દીધું છે.”
પરંતુ 4 ડિસેમ્બર, 2019ના રોજ ગુજરાત સરકારના મંત્રી આર. સી. ફળદુએ પત્રકારોને સંબોધીને કહ્યું હતું કે ટુ-વ્હિલર વાહનચાલકો માટે શહેરો, નગરપાલિકા અને મહાનગરપાલિકાના રસ્તા પર હેલ્મેટ પહેરવું ફરજિયાત નથી.
તેમણે આ જાહેરાત કરતી વખતે આ નિર્ણય પ્રજાના હિતમાં લેવાયો હોવાનો દાવો કર્યો હતો.
તમે અમને ફેસબુક, ઇન્સ્ટાગ્રામ, યૂટ્યૂબ અને ટ્વિટર પર ફોલો કરી શકો છો