વર્લ્ડ મૅનોપોઝ ડે: શું તમે પેરિમૅનોપોઝનાં આ લક્ષણો વિશે જાણો છો?
કોઈ સ્ત્રીને જ્યારે એક વર્ષ સુધી પીરિયડ્સ ન આવે ત્યારે મૅનોપોઝના તબક્કામાં છે, એમ કહેવાય.
જોકે, એ પહેલાં સ્ત્રી પેરિમૅનોપોઝની અવસ્થામાં હોય છે. આ ગાળા દરમિયાન મૅનોપોઝ જેવા જ લક્ષણ અનુભવે છે, પરંતુ તેને અનિયમિતપણે માસિક આવતું હોય છે.
આ સમયગાળામાં મહિલાનું શરીર પ્રજનનક્રિયાના નવા તબક્કામાં દાખલ થાય છે. તેનું શરીર જેમ-જેમ મૅનોપોઝના તબક્કામાં પ્રવેશે છે તેમ-તેમ કેટલાક ઇસ્ટ્રૉજન જેવા હૉર્મોન્સ ઘટવા લાગે છે.
આ મહત્ત્વના હૉર્મોન્સ અંડાશયમાં ઉત્પન્ન થાય છે.
સૌથી મોટો પડકાર એ છે કે હૉર્મોન્સમાં થતું આ પરિવર્તન ધીમેધીમે થતું નથી. તેનું અનુમાન કરી શકાતું નથી.
આથી હૉર્મોન્સના સ્તરમાં થતાં પરિવર્તનને કારણે શરીરમાં અમુક લક્ષણો જોવાં મળે છે, જે મૅનોપોઝ જેવા જ હોય છે. મહિલાઓ દ્વારા કેટલીક સામાન્ય બાબતોની કાળજી રાખવામાં અને પરેજી પાળવા આવે તો તેમને આ પરિસ્થિતિમાં રાહત મળે છે.
બીબીસી માટે કલેક્ટિવ ન્યૂઝરૂમનું પ્રકાશન
