આઠ વર્ષની અનન્યાએ બુલડોઝર અને આગથી ડર્યા વિના પોતાનાં પુસ્તકો કેવી રીતે બચાવ્યાં હતાં?
ઉત્તરપ્રદેશના આંબેડકરનગરમાં તાજેતરમાં જ્યારે ઝૂંપડાં તોડવાની કાર્યવાહી કરાઈ રહી હતી, ત્યારે બીજી બાજુ આસપાસ આગ પણ લાગેલી હતી.
આ દરમિયાન એક નાનકડી છોકરી નજીકની એક ઝૂંપડીમાંથી પોતાનાં પુસ્તકો અને બૅગ બચાવીને દોડીને બહાર આવતી દેખાઈ રહી હતી.
આ દૃશ્યો કૅમેરામાં ઝડપાઈ ગયાં, જે ખૂબ વાઇરલ થઈ રહ્યાં છે.
અનન્યાનાં માતા દીકરીની ભણવાની ધગશ અને બહાદુરી અંગે વાત કરતાં કહે છે કે, "પોલીસમાં કામ કરતી મહિલાઓએ અમને એ દિવસે અમારા ઘરેથી કાઢી મૂક્યાં હતાં. ઝૂંપડીઓ પર બુલડોઝર ફેરવી રહ્યા હતા. એ દરમિયાન અનન્યાએ કહ્યું કે તેની ચોપડી અને બૅગ અંદર જ છે. તે અમને એ લાવવા માટે અંદર મોકલી રહી હતી. પરંતુ પોલીસવાળાની બીકે અમે ન ગયાં."
"પરંતુ છોકરીએ કહ્યું કે એ પોતાનાં પુસ્તકો વગર નહીં ભણી શકે, તેથી એ એકલી જ ઝૂંપડીમાં પહોંચી ગઈ અને પોતાનાં પુસ્તકો અને બૅગ લઈ આવી."
વાંચો આ સાહસ અને ભણવા માટેની ધગશની પ્રેરણાદાયક કહાણી.
બીબીસી માટે કલેક્ટિવ ન્યૂઝરૂમનું પ્રકાશન
