Abarobyi bo mu Burundi mu rujijo ku cyemezo kibuza kuroba guhera uyu munsi

Mu Burundi uyu munsi niho hagombaga gutangira gushyirwa mu bikorwa icyemezo cyafashwe n'ubuyobozi bw'ibihugu bine bihuriye ku kiyaga Tanganyika, cyo kumara amezi atatu nta murobyi asubiye kuroba muri icyo kiyaga, muri gahunda yo kugirango amafi yiyongere.

Mu bihugu bine bihuriye kuri icyo kiyaga, n'ukuvuga Uburundi, Tanzania, Republika ya demokarasi ya Congo na Zambia, hari amakuru avuga ko Tanzania na Congo bititeguye kugishyira mu bikorwa.

Mu gushaka kumenya niba icyo cyemezo cyatangiye gukurikizwa mu Burundi, Jacques Niyitegeka yavuganye na Butoyi Gabriel, umukuru w'ishyirahamwe ry'abarobyi mu Burundi, atangira amubaza niba batangiye kubahiriza icyo cyemezo cyangwa bakomeje ibikorwa byabo (umva icyo kiganiro aho hejuru).