RD Congo: “ku bagore 10 bafatwa ku nguvu, 9 bava muri Kivu ya ruguru”

Muri RDC, cane cane mu ntara ya Kivu y’uburaruko, umugore wese aba afise imikoshi yo guhura n’akabi ko gufatwa ku nguvu.

Ibiharuro biteye ubwoba biragaragara mu cegeranyo c’ishirahamwe ry’abavuzi mpuzamakungu MSF.

Muri ico gice kiberamwo intambara hagati ya leta, M23, FDLR n’abo bafadikanije, nta cizere c’uko n’ubutegetsi bwogira inguvu zo gutuza ico kibi.