Imvo n’imvano: Igice ca kabiri c’ikiganiro ku ntsinzi ya Tshisekedi mu matora ya DR Congo

Insiguro y'amajwi, Imvo n’imvano: Igice ca kabiri c’ikiganiro ku ntsinzi ya Tshisekedi mu matora ya DR Congo
Imvo n’imvano: Igice ca kabiri c’ikiganiro ku ntsinzi ya Tshisekedi mu matora ya DR Congo
Yatangajwe

Mu kiganiro cyo kuri uyu wa gatandatu tariki 13 z'ukwezi kwa mbere mu 2024, turakomeza ikiganiro twabagejejeho kuwa gatandatu ushize, ikiganiro cyavugaga ku byavuye mu matora y’umukuru w’igihugu muri Repubulika ya Demokarasi ya Congo amatora yabaye kw'itariki 20 z'ukwezi kwa 12 k'umwaka ushize.

Akanama gashinzwe amatora, CENI katangaje ko uwaje kwisonga mu matora y'umukuru w'igihugu ari Felix Antoine Tshisekedi Tshilombo wabonye amajwi agera kuri 73.34 kw'ijana. Akurikirwa na Moise Katumbi wabonye amajwi 18.08 kw'ijana naho Martin Fayulu aba uwa gatatu n'amajwi 5.33 kw'ijana.

Nubwo habaye amatora rusange, n'ukuvuga ay'umukuru w'igihugu, abashingamateka, abakenguzamateka n'abajyanama b'uturere, uyu munsi turibanda ku matora y'umukuru w'igihugu.

Mugihe Felix Tshisekedi w'itoje ku giti cye ariko ashyigikiwe n'amashyaka agera kuri 200 yishyize mw'ihuriro yise Union Sacre, baririmbaga intsinzi mu mpera z'iki cyumweru gishize, abahanganye nawe bo bari mu kwamagana ibyavuye mu matora bavuga ko habayemo uburiganya bukomeye, ko ayo matora bita baringa adashobora kwemerwa.

Banagerageje gukora imyigaragambyo mu murwa mukuru wa Kinshasa ariko igipolisi kiburizamo iyo myigaragambyo. Gusa baracyarahira bakarengwa bakavuga ko bazakomeza gukora iyo myigaragambyo kabona n'uko igipolisi n'igisirikare cyoherejwe hirya no hino kubabuza.

Ubutegetsi bubabwira ko hari inzira ziteganywa n'amategeko zo kugaragaza ibitaragenze neza mu matora maze urukiko rushinzwe kwubahiriza itegeko nshinga rugafata icyemezo.

Abatumire bacu bari Umushingamateka Emmanuel Ngaruye Muhozi wo mw'ihuriro Union sacrée rishyigikiye Felix Tshisekedi, ari i Kinshasa, turi kumwe kandi na Wilson Twitegure ukuriye urubyiruko rwo mw'ishyaka Ensemble Pour La Republique rya Moise Katumbi mu karere ka Masisi, we ari i Goma, turi kumwe kandi na Joseph Sebarenzi inzobere muri politike n' ibyo gukemura amatate, we ari muri Amerika.

Muri iki kiganiro kandi turaza guha umwanya n’abatwandikiye bifuza gutanga ibitekerezo ku gice cya mbere cyahise kuwa gatandatu ushize.

Iki kiganiro mwagiteguriwe kandi mugiye kukigezwaho na Felin Gakwaya