Sentare y'i Paris yahamije Charles Onana guhakana jenoside yabaye mu Rwanda

Inyandiko gusa
Charles Onana ahagaze imbere y'umuryango w'urukiko i Paris mu Bufaransa, asobekeranyije amaboko, yambaye ikoti ry'umukara n'indorerwamo. Ifoto yo ku itariki ya 9/12/2024
Insiguro y'isanamu, Sentare y'i Paris yahamije Charles Onana guhakana jenoside yo mu Rwanda kubera igitabo ciwe yasohoye mu 2019
    • Umwanditsi, Alain Majesté Barenga
    • Igikorwa, Umunyamakuru ari i Paris
  • Yatangajwe
  • Igihe co gusoma: iminota 4

Sentare mpanavyaha yo mu Bufaransa yahamije ivyaha vyo guhakana jenoside yabaye mu Rwanda mu 1994 umwanditsi Charles Onana n'uwumufasha gusohora ibitabo.

Sentare mpanavyaha y'i Paris yamuhamije ivyo vyaha kubera igitabo ciwe yasohoye mu 2019 yise "Rwanda, la vérité sur l'opération Turquoise: Quand les archives parlent."

Onana ni Umunya-Cameroun afise ubwenegihugu bw'Ubufaransa.

Uwundi yahamijwe ivyo vyaha ni Damien Sirieix, Umufaransa afise inzu yo gusohora ibitabo yitwa "l'Artilleur", yamufashije kugisohora. Bose baciriwe amande ari hagati ya 5000 na 9000 vy'ama Euros.

Iyo sentare yanabategetse kuriha impozamarira y'ibihumbi 11 vy'ama Euros ku mashirahamwe yabitwariye.

Bompi bahise bajurira.

Skip content and continue reading

End of content

Ntivyari vyoroshe ko umuntu asanzwe aronka aho aca kubera umuvyigano, aho buri wese yipfuza kwinjira mu cumba c'urukiko.

Nayo abajejwe umutekano bari barikanuye kubera ubwinshi bw'abaje kurwumviriza.

Isaha umunani ni ho umukuru wa sentare na babiri bamufasha guca urwo rubanza binjira mu cumba c'iburaniro aho bafashe iminota itarenze 6 mu gusoma umwanzuro w'urukiko.

Sentare yavuze ko muri urwo rubanza basanze Charles Onana n'uwamufashije gusohora igitabo ciwe bagiwe n'icaha co guhakana jenoside yo mu Rwanda no kuyigabaniriza ubukana (canke gupfobya jenoside mu Kinyarwanda).

Sentare yaciye icira Charles Onana ihadabu ryose hamwe ry'ama Euros 8400, nayo Damien Sirieix yamufashije gusohora ico gitabo acibwa ihadabu ry'ama Euros 5000.

Sentare yaciye ivuga ko iryo hadabu bategerezwa kuririha bitarenze iminsi 120 batabikoze bazoca batabwa muri gereza bagapfungwa iyo minsi 120.

Maître Richard Gisagara uburanira abareze Charles Onana. Ahagaze hanze y'urukiko i Paris mu Bufaransa, yambaye indorerwamo, ishati ijya kuba umweru n'ikoti rijya kuba umukara, inyuma ye hahagaze abantu batagaragara neza. Ifoto yo ku itariki ya 9/12/2024
Insiguro y'isanamu, Maître Richard Gisagara yavuze ko iyi ari "intsinzi ku butabera"

Umushingwamanza Richard Gisagara aserukira uruhande rw'abareze yavuze ko ari "intsinzi ku butabera burengera abahitanywe na jenoside n'abacikacumu".

Ati: "Ni ubwa mbere abahakana jenoside yakorewe Abatutsi bahanwe i Burayi. Ni isomo ku bifuza kwandika izi mvugo z'urwango, ni intsinzi ku bacikacumu ba jenoside yakorewe Abatutsi kuko babonye ko hariho kirazira."

Imbaga y'abantu bari hanze y'urukiko baje kumva isomwa ry'urubanza rwa Charles Onana, i Paris mu Bufaransa. Ifoto yo ku itariki ya 9/12/2024
Insiguro y'isanamu, Ntivyari vyoroshe ko umuntu asanzwe aronka aho aca kubera umuvyigano

Haciye haduka akajagari kuko abashigikiye abaregwa badugije ijwi bahakana urwo rubanza, biba ngombwa ko igipolisi gikoresha inguvu mu kubasohora.

Abashigikiye Charles Onana ntibanyuzwe n'imikirize y'urubanza. Marcel Cyiza yavuze ko uru ari urubanza ruhengamye. Yagize ati: "Nta gitanganje. Utavuga ibyo leta y'u Rwanda ishaka bamwita uwupfobya jenoside, ni byo tubona hano."

Charles Onana na Damien Sirieix bari bitwariwe n'amashirahamwe 7 arwanya jenoside, hamwe n'amashirahamwe aharanira iteka rya muntu, nka FIDH na LDH.

Imbere yuko urwo rubanza rusomwa, hanze y'urukiko hari imyiyerekano y'Abakongomani baba i Bulaya baje gushigikira Onana bafise ivyapa biriko amajambo atyoza leta y'Urwanda.

Icyapa kiri hanze y'urukiko i Paris mu Bufaransa, kiriho ifoto ya Charles Onana n'amagambo yo kumushyigikira yanditse mu Gifaransa, arimo n'ayo kwamagana Perezida w'u Rwanda Paul Kagame n'amashyirahamwe bivugwa ko bakorana. Ifoto yo ku itariki ya 9/12/2024