Raba ingene uno mugabo yasimbiye ku mucamanza yariko aramusomera urubanza muri sentare ya Amerika

Amashusho yasohowe n'igisata kijejwe umutekano yerekana umugabo asimbira ku mucamanza muri sentare ya Nevada.

Nk'uko biri mw'itangazo, umucamanza Mary Kay Holthus “yakomeretse" inyuma yo kugwa avuye ku ntebe yari yicayeko.

Uwujejwe umutekano muri iyo sentare yagiye kumutabara yashikanywe mu bitaro kugira avurwe.

Uwariko araburanywa, Deobra Delone Redden, yariko asomerwa urubanza yagirizwamwo kurwana. Yaciye aremekwa ibindi vyaha.