Rwanda: Imvo n'imvano ku bana bavutse ku babyeyi bafashwe ku ngufu muri jenoside yo mu 1994

Ikiganiro cyacu cyo kuri uyu wa gatandatu itariki ya 13 z’ukwezi kwa 4 umwaka wa 2024 kibashikana mu Rwanda, igihugu kibuka imyaka 30 ya jenoside.

Mu 1994, gufata ku ngufu abagore n’abakobwa byakoreshejwe n’abicanyi nk'imwe mu ntwaro za jenoside. Imwe mu nkuru zibabaje ni iya Claudine Iradukunda umwe mu bana benshi bavutse ku babyeyi bafashwe ku ngufu mu gihe cya jenoside.

Amaze gukura, yifuzaga guhura na se wari ufunze ariko nyina ntabyemere. Se wa Claudine ni Jean Pierre Sindambiwe, yafunzwe imyaka 24 nyuma yo guhamwa n’ibyaha bya jenoside no gufata ku ngufu. Yarafunguwe amaze kurangiza igihano. Avuga ko yiteguye kwiyunga. Abo kimwe n’abandi turabaha ijambo muri iki kiganiro.

Twanavuganye kandi n’imwe mu miryango ifasha abo babyeyi bahohotewe ndetse n’abana bavutse kuri ubwo buryo.

Reta y'u Rwanda ivuga ko ishishikajwe n'ubumwe n’ubwiyunge nk'uburyo bwihariye bwo kubaka igihugu nyuma ya jenoside. Bamwe mu bakoze ibyaha bya bagakatirwa barangije ibihano byabo, abandi bireze bakemera ibyaha bagasaba imbabazi nabo bararekuwe, ubu babanye n’abarokotse jenoside hirya no hino mu mirenge. Ese ibyo byashobotse gute?

Ikiganiro cyo kuri uyu wa gatandatu mwagiteguriwe kandi murakigezwaho na Yves Bucyana.