Imvo n'imvano: undi mwanya muhawe w'ibitekerezo ku migwano hagati ya Wazalendo muri DRC

Muri iki kiganiro Imvo n'Imvano yo kuri uyu wa gatandatu, tariki 30 z'ukwezi kwa 9 mu 2023, turakomeza guha umwanya abatwandikiye bashaka gutanga ibitekerezo ku kiganiro twabagejejeho kw'itariki 9 z'uku kwezi kwa 9 kuko babaye benshi cyane bituma dukora ibiganiro 2. Icyo kiganiro cyavugaga ku mishyamirano iri hagati y'imitwe yitwaje ibirwanisho mu ntara ya Kivu y'amajyaruguru muri Repubulika ya Demokarasi ya Congo, imitwe izwi kw'izina rya Wazalendo, bivugwa ko yari yarishyize hamwe kugira ngo ifashe leta ya Congo kurwanya umutwe wa M23. Nyuma yaho iyo mitwe ishyiriye igikumu ku masezerano yo guhagarika imirwano igasubira mu birindiro byayo, yaje gusubiranamo.

Muri icyo kiganiro twari kumwe na Jules Mulumba uyoboye umutwe wa CMC

Twari kumwe kandi na Sendugu Museveni uyoboye umutwe wa Pareco.

Twari kumwe kandi n’uwo mw’ishyirahamwe ridafite aho ryegamiye muri politique NSCC(Nouvelle Societe civile Congolaise) mu karere ka Masisi, bwana Olivier Kanyejomba.

Iki kiganiro mwagiteguriwe kandi murakigezwaho na Felin Gakwaya.