Nigeria: Muhammadu Buhari agiye kujya i London kwivuza bwa kabiri uyu mwaka

Perezida wa Nigeria Muhammadu Buhari biteganyijwe ko yerekeza i London "mu gukurikiranwa ku buvuzi yahawe bisanzwe biri kuri gahunda", nkuko itangazo ryasohowe n'ibiro bye ribivuga.

Uru ruzaba rubaye urugendo rwa kabiri akoze agiye guhura n'abaganga mu murwa mukuru w'Ubwongereza. Mu kwezi kwa kane yamaze ibyumweru bibiri i London.

Perezida Buhari, w'imyaka 78, yakoreye ingendo nyinshi mu Bwongereza agiye kwivuza muri iki gihe amaze ku butegetsi, cyatangiye mu 2015, ariko ubwoko bw'indwara arwaye nta na rimwe burigera butangazwa.

Ibiro bya perezida byagize biti: "Yitezwe kugaruka mu gihugu mu cyumweru cya kabiri cy'ukwezi kwa karindwi".

Mu bihe byashize, Bwana Buhari yagiye anengwa kubera kujya kwivuriza mu mahanga, cyane cyane mu gihe urwego rw'ubuvuzi rwa Nigeria rukomeje gushyirwamo amafaranga macyeya.