NBA: Chris Paul yafashije Phoenix Suns kugera muri play-offs bwa mbere mu myaka 11
Ahavuye isanamu, Getty Images
Ikipe ya Phoenix Suns yabonye umwanya wo gukina imikino ya NBA play-offs ku nshuro ya mbere mu myaka 11 ishize nyuma yo gutsinda Los Angeles Clippers ku manota 109-101.
Chris Paul yabigizemo uruhare rukomeye kuko yatsinze amanota 28, muri 15 yayatsinze mu gace ka kane, bituma Suns itsinda bwa mbere Clippers muri uyu mwaka w'imikino.
Chris Paul uzagira imyaka 36 mu cyumweru gitaha na Davin Booker watsinze amanota 21 bafashije cyane Suns kugera muri play-offs iherukamo mu mwaka w'imikino wa 2009-10.
Suns yari ikipe ya kabiri imaze imyaka myinshi itagera hano nyuma ya Sacramento Kings yo mu gice cy'iburengerazuba iheruka muri play-offs mu 2005-06/
Cameron Johnson umukinnyi wa Suns yagize ati: "Aho twari turi umwaka ushize, mu myaka micye ishize, no kugera aha ubu, byerekana akazi kose twakoze muri icyo gihe, n'akamaro ka buri wese hano kuva hasi kugera hejuru."
Yongeraho ati: "Bwa mbere ngera hano, buri wese yagira ati 'Oh Suns iri hasi. Hashize imyaka X itagera muri play-offs.' Kugera hafi yayo mu mwaka ushize no kuba ubu tuyibonye umwanya, ni umugisha kandi simbifata nk'ibintu byoroshye."
Iyi nkuru irimwo ivyatanzwe na X. Dukeneye uruhusha rwawe imbere yuko bigushikira, kuko birashobora kuba bikoresha cookies hamwe n'ubundi buhinga. Wobanza ugasoma aha X amategeko agenga cookie n'ayagenga ubuzima bwite imbere yuko wemera. Kugira ubibone hitamwo 'emera hanyuma ubandanye'.
Impera ya X ubutumwa
Ahandi, mu gice cy'iburengerazuba ikipe iri imbere ya Utah Jazz yakoze umuhigo w'amanota menshi iyi kipe yigeze itsinda ku mukino umwe ubwo yatsindaga Sacramento Kings amanota 154 ku 105.
Mu gice cy'iburasirazuba, Philadelphia 76ers nayo yabonye umwanya muri play-offs imaze gutsinda bikomeye Atlanta Hawks ku manota 127 kuri 83.
Los Angeles Lakers iri kugorwa muri iyi minsi yatsinzwe na Washington Wizards ku manota 116-107, aho Bradley Beal wa Wizards yatsinze amanota 27 naho Russell Westbrook agakora 'triple-double' y'amanota 18, 'assists' 14 no gufata umupira uvuye ku nkangara (rebounds) 18.
Mu yindi mikino yarangiye mu gitondo cya none:
New York Knicks 113-94 Chicago BullsBoston Celtics 120-111 Charlotte HornetsOrlando Magic 109-104 Cleveland Cavaliers Denver Nuggets 114-112 New Orleans PelicansMiami Heat 116-111 San Antonio Spurs Portland Trail Blazers 130-109 Memphis Grizzlies
