DR Congo: Imvo n'Imvano ku bitekerezo ku kiganiro ku mutekano mucye muri Minembwe

Twongeye kubaha ikaze mwese muteze amatwi Imvo n'Imvano yo kuri uyu wa gatandatu tariki ya 12 y'ukwezi kwa 12 mu 2020. Nkuko iyi mibare y'iminsi n'amezi ndetse n'umwaka isa, natwe ni ko tugiye gusanisha ikiganiro cy'uyu munsi n'icyahise ku wa gatandatu ushize, ikiganiro cyahaga umwanya abatanze ibitekerezo ku kiganiro twabagejejeho ku itariki ya 24 na 31 z'ukwezi kwa 10 muri uyu mwaka.

Icyo kiganiro cyavugaga ku mutekano mucye ukomeje kurangwa mu burasirazuba bwa Repubulika ya Demokarasi ya Congo, na cyane cyane mu ntara ya Kivu y'amajyepfo mu karere ka Minembwe.

Ku wa gatandatu ushize twahaye umwanya abatwandikiye bifuza gutanga ibitekerezo, ariko bakanifuza kubaza umwe mu batumire bacu bo muri icyo kiganiro, Nyamuombeza Ombe.

Mubashakaga kuvuguruza ibyo Nyamuombeza yavuze harimo na Enock Ruberangabo bari kumwe muri icyo kiganiro, wavuze ko atari yumvise ibyo Nyamuombeza yarangirijeho kuko telefone ye yari yacitse. Twarabahuje maze ibibazo byabo biba byinshi bituma tubigira ibiganiro 3. Icy'uyu munsi ni icya kabiri.

Iki kiganiro mwagiteguriwe kandi murakigezwaho na Félin Gakwaya.