Coronavirus: Imvo n'Imvano ku ngaruka za Covid-19 ku bukungu bw'isi no ku bihugu byo mu karere

Insiguro y'amajwi, Coronavirus: Imvo n'Imvano ku ngaruka za Covid-19 ku bukungu bw'isi
Yatangajwe

Mwaramukanye amahoro mwese muteze amatwi Imvo n'Imvano yo kuri uyu wa gatandatu tariki 28 z'ukwa gatatu mu 2020.

Mu gihe isi yugarijwe n'icyoreza cya coronavirus kimaze guhitana abantu barenga ibihumbi 21 n'abarenga ibihumbi 465 bamaze kwandura iyo ndwara ya Covid 19 mu bihugu bigera kuri 200, ingaruka ntiziboneka ku buzima bw'abantu gusa, ahubwo zitangiye kwumvikana no ku bukungu bw'ibihugu byose kw'isi.

Abayobozi n'inteko nkenguzamateka y'Amerika baherutse kwumvikana n'ibiro by'umukuru w'igihugu ko bakunganira ingengo y'imari y'Amerika bagaha leta tiliyoni ebyiri z'amadolari yo kuzahura ubukungui bw'icyo gihugu cy'igihanganye, kugirango gishobore guhangana n'ingaruka z'icyorezo cya coronavirus. Ubudage burangaje imbere mu bukungu ibihugu byo ku mugabane w'Uburayi, bwatse miliyaridi 750 z'amaEuro kugirango bushobora guhangana n'iki cyorezo. Akanama k'umuryango w'ubumwe bw'Uburayi, kakuyeho amabwiriza kashyiraga ku bihugu bigize uyu mugabane byaka inguzanyo, kugira ngo gashobore gufasha ibihugu nk'Ubutaliyani na Espagne, biri gushegeshwa n'iki cyorezo. Abashikiranganji b'imari b'ibihugu by'Afrika nabo baherutse kwumvikana ko basaba abakuru b'ibihugu 20 bikize ku isi, ko babakuriraho imyenda igera kuri miliyalidi 100 z'amadolari y'Amerika, kugirango bashobore guhangana n'icyorezo cya coronavirus.

None se ibihugu byo muri Afrika, nubwo icyorezo cya coronavirus kitaratsimbatara nkuko biboneka mu yindi migabane nk'Uburayi, Aziya n'Amerika, biteguye gute kuramira ubukungu bwabo?

Ese ingaruka ku bukungu zimaze kwibonekeza kubera iki cyorezo muri Afurika no mu karere k'ibiyaga bigari by'umwihariko ni izihe?

  • Ingaruka ku masosiyete atwara abantu (indege cyane cyane)
  • Ingaruka ku masoko mpuzamahanga
  • Ingaruka ku tuzi , ku nganda,….
  • Amadeni ibihugu byo mu karere bisanzwe bifite, ese bizabyitwaramo gute?
  • Izindi ngaruka zizaba ku banyagihugu zaba izihe?

Abatumire bacu ni Professeur Léonce Ndikumana, Umurundi wigisha muri Kaminuza ya Massachussetts muri Amerika, turi kumwe kandi na Joseph Ngarambe, inzobere mu by'ubukungu uba mu Bufaransa. Twanagerageje kumenya icyo abategetsi bo mu Rwanda no mu Burundi babivugaho, ariko ntitwashoboye kubabona.

Iki kiganiro mwagiteguriwe kandi murakigezwaho na Félin Gakwaya.