Niger yabuze abasirikare 18 mu gitero coba cakozwe n'intagondwa
Iki gitero cabaye mu gihe hitezwe inama y'abakuru b'ibihugu bagize umuryango wa Afrika ku mugwa mukuru Niamey.
Abategetsi bamenyesha ko abasirikare 18 bishwe mu gitero cakozwe n'abikekwa ko ari intagondwa.
Umutekano waratitutse mu karere ka Sahel muri aya mezi ya vuba, bivuye ku bitero vy'imigwi y'intagondwa igendera kw'idini rya Islam hamwe n'amatati y'amoko.
Ubwambere imodoka zibiri zaturikirijwe mu bwinjiriro bw'ikambi. Abitwaje ibigwanisho baje ku mahonda , baraheza batangura kurasa.
Abasirikare ba Nigeria babigijeyo bifashishije indege z'ababafasha z'ubufransa , zisanzwe - co kimwe n'abanyamerika- zifise ikibanza kirimwo indege muri ico gihugu.
Ariko abasirikare 18 bishwe abandi bane babuzwe irengero.
Ico gihe nta baciye biyemeza ko babigizemwo uruhara ariko intagondwa zicuditse na leta ya ki Islam mu bugaragwa bwa Sahara zirazwi ko zikorera murako karere, amaja ku rubibe ico gihugu gahana n'ibihugu vya Burkina Faso na Mali .
Ni hafi y'ishamba abasirikare bahambaye ba leta zunze ubumwe bwa Amerika bapfiriyemwo mu 2017.
