CECAFA U20: Abakinnyi ba Eritrea batorokeye muri Uganda

Inyandiko gusa
Ikipe ya Eritrea iri mu mikino ya CECAFA muri Uganda

Ahavuye isanamu, FUFA

Insiguro y'isanamu, Ikipe ya Eritrea iri mu mikino ya CECAFA muri Uganda
Yatangajwe

Abakinnyi bane b'ikipe y'igihugu ya Eritrea y'abatarengeje imyaka 20 bavuye muri hoteli bari bacumbitsemo muri Uganda ntibongera kuboneka kuva ejo kuwa gatatu.

Bamwe mu bakurikirana iyi kipe babwiye BBC ko aba bakinnyi bacitse ndetse ubu bakaba bari gusaba ubuhungiro muri Uganda.

Ikipe ya Eritrea yagiye muri Uganda mu mikino ya CECAFA y'abatarengeje imyaka 20 ubu igeze mu mikino ya nyuma.

Bwana Aimable Habimana umuyobozi ushinzwe iri rushanwa yabwiye ibinyamakuru muri Uganda ko aba bakinnyi koko babuze.

Avuga ko baburiye muri Speke Apartments aho bari bacumbitse.

Bwana Habimana yabwiye ikinyamakuru Monitor ati: "Ubu twashyize abashinzwe umutekano aho bacumbitse no hafi y'iki kipe kugirango irushanwa rizarangire neza".

Iyi kipe ya Eritrea yari yitwaye neza kuko yageze muri kimwe cya kabiri cy'irangiza (demi-finale) aho yatsinzwe na Kenya uyu munsi kuwa gatatu.

Kenya yasezereye Eritrea iyitsinze igitego kimwe ku busa.

Skip Ibisomwa cane and continue reading
Ibisomwa cane

End of Ibisomwa cane

Ikipe ya Eritrea igiye gukina na Kenya uyu mugoroba

Ahavuye isanamu, FUFA

Insiguro y'isanamu, Ikipe ya Eritrea igiye gukina na Kenya uyu mugoroba

Umutoza ubu asigaranye abakinnyi 14, gusa yavuze ko abatorotse bari banarwaye.

Mu 2015 abakinnyi 10 b'ikipe y'igihugu nkuru ya Eritrea banze gusubira mu gihugu cyabo nyuma yo gukina umukino muri Botswana.

Mu 2013 abakinnyi icyenda (9) ba Eritrea n'umutoza wabo batorokeye muri Kenya

Imiryango iharanira uburenganzira bwa muntu ivuga ko urubyiruko ibihumbi amagana rwa Eritrea rwahunze kubera ibikorwa bibi rukorerwa birimo n'imirimo ya gisirikare y'itegeko.