Ubushinwa bufise iyihe ntumbero ya gisirikare muri Afrika?
Yatangajwe
Kuva mu ntango z'iyi ndwi Ubushinwa bwakoranije abategetsi baturuka mu bihugu 50 vyo ku mugabane wa Afrika bagera kw'ijana bo mu gista co kwivuna abansi barimwo abashikiranganji icumi na batanu.
Intumbero y'iyo nama y'indwi yose, n'ukwigira hamwe inzira nshasha z'imigenderanire hagati ya Afrika n'Ubushinwa muri bino bihe bishasha nk'uko urubuga rw'igisirikare c'Ubushinwa rubitangaza.
Ariko none ico Ubushinwa bugamije vy'ukuri coba ari igiki? Iyi ni insiguro y'umwigisha wa Kaminuza, Gerard Birantamije, umuhinga mu bibazo vy'umutekano.
