Lansio ymchwiliad llofruddiaeth ar ôl canfod corff mewn parc
Mae teulu merch 14 oed o'r enw Lilly a oedd ar goll wedi cael gwybod am y farwolaeth
- Cyhoeddwyd
Mae'r heddlu wedi lansio ymchwiliad llofruddiaeth wedi i gorff gael ei ganfod mewn parc ym Mlaenau Gwent nos Lun.
Dywedodd Heddlu Gwent fod corff menyw wedi ei ganfod yn ardal Parc Duffryn yn nhref Blaenau am 22:10.
Dywedodd y llu nad yw'r corff wedi cael ei adnabod yn swyddogol, ond bod teulu merch 14 oed o'r enw Lilly a oedd ar goll wedi cael gwybod.
Cafodd y corff ei ganfod yn ardal Parc Duffryn yn nhref Blaenau nos Lun
Dywedodd yr Uwch Swyddog Ymchwilio, y Prif Arolygydd Ditectif Steven Thomas y bydd swyddogion yn bresennol yn ardal y parc wrth i ymholiadau barhau.
"Rydym yn deall y bydd hyn yn achosi gofid a phryder ymhlith ein cymunedau," meddai.
Mae'r llu yn apelio ar unrhyw un sydd â gwybodaeth am y digwyddiad i gysylltu â nhw.