Mae Ben Tapp yn berchennog ransh wartheg anferth ym mherfeddwlad Awstralia. Trwy adael i'w wartheg grwydro'n rhydd o borfa i borfa'n chwilio am laswellt ffres, mae Ben yn ffermio'n gynaliadwy. Pan ddaw'r tymor mwstro, rhaid casglu ynghyd wartheg fydd wedi crwydro dros gannoedd o erwau - mae hyn yn her aruthrol. Y dull modern o'u casglu yw trwy ddefnyddio hofrenyddion. O uchder yn yr awyr gall y peilot weld y gwartheg yn hawdd ond rhaid bod yn ofalus iawn - gallai eiliad o ddiffyg canolbwyntio fod yn angheuol. Mae'r dull o gasglu gwartheg â hofrenyddion wedi gweddnewid diwydiant cig eidion Awstralia, a galluogi'r wlad i barhau i ddiwallu'r galw mawr am y cig yn fyd-eang.