Byw heb Ddŵr: Bodau Dynol yn Copïo Natur

In order to see this content you need to have both Javascript enabled and Flash installed. Visit BBC Webwise for full instructions

Efelychu byd natur i gael dŵr yn Niffeithdir Atacama

Mae Diffeithdir Atacama yn Chile, ar arfordir y Cefnfor Tawel. Wrth i geryntau oer o'r môr gwrdd â'r aer poeth uwchben y diffeithdir, mae blancedi anferth o niwl yn ffurfio ac yn cael eu cludo ar draws y tir gan y gwyntoedd. Mae planhigion cactws yn ffynnu trwy ddal y dŵr sydd yn y niwl. Wrth i'r niwl daro'r cactws mae'n cyddwyso ac mae'r anwedd dŵr yn troi'n hylif. Hefyd gall anifeiliaid yfed y diferion dŵr - mae'n ffynhonnell hanfodol o ddŵr iddyn nhw. Mae trigolion y diffeithdir wedi dysgu sut i efelychu byd natur a dal y dŵr yma hefyd - trwy osod rhwydi anferth ar gopa bryn. Mae'r rhwydi yn dal y niwl, gan greu diferion dŵr, yn union fel y planhigion cactws.
O: Human Planet Deserts - Life in the Furnace
Darlledwyd yn gyntaf : 20 Ionawr 2011

Nodiadau Dysgu

Ystod Oedran : 7-9,9-11

Pwnc : Daearyddiaeth

Testun : Hinsawdd, Ardal gyferbyniol, Materion amgylcheddol, Adnoddau cynaliadwy, Cyflenwi dŵr

Allweddeiriau : Dŵr, Mynyddoedd, Y Byd Ehangach

Nodiadau : Cyn gwylio'r clip, gofynnwch i'r disgyblion ddod o hyd i leoliad Chile, Santiago ac Atacama ar fap a thrafod sut brofiad fyddai byw mewn man lle nad yw hi byth yn bwrw glaw. Gallai grwpiau adrodd yn ôl eu syniadau i weddill y dosbarth. Ar ôl gwylio'r clip gallai'r disgyblion geisio dyfeisio dulliau o ddal dŵr o'r atmosffer, a rhoi prawf ar eu syniadau. Gallai'r disgyblion ymchwilio i leoliad y gronfa ddŵr agosaf at yr ysgol a'r hyn sy'n digwydd i'r dŵr tra ei fod yn y gronfa ac wedyn sut mae'n cyrraedd cartrefi pobl.

Chwilio am glipiau Dysgu eraill...


Chwilio Clipiau Dysgu

Archif Eclips

eclips

Ydych chi angen pynciau eraill? Eisiau gweld rhagor o glipiau? Ewch i wefan archif Eclips.

Clipiau Diweddar


Llywio drwy’r BBC

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.