ယူကရိန်း အရေး နှောင့်ယှက်တဲ့ နိုင်ငံတွေကို တုံ့ပြန်မယ်လို့ ရုရှားပြော

ယူကရိန်းကို ကျူးကျော် တိုက်ခိုက်မှုအတွင်းမှာ ဝင်ရောက်နှောင့်ယှက်တဲ့နိုင်ငံတွေကိုလည်း ရုရှားက တုံ့ပြန်မှုတွေ လုပ်သွားမယ်ဆိုပြီး ရုရှား သမ္မတ ဗလာဒီမီယာ ပူတင်က ထုတ်ဖော်ပြောကြားလာပါတယ်။ သူ့အနေနဲ့ ဘက်ပေါင်းစုံကနေ တုံ့ပြန်ဖို့ အခြေအနေတွေ ရှိနေတယ်လို့လည်း စိန့်ပီတာစဘဂ်မြို့က ရုရှားလွှတ်တော်မှာ မစ္စတာ ပူတင်က ပြောကြားခဲ့ပါတယ်။ ဘီဘီစီ ရုရှားရေးရာ အယ်ဒီတာ စတိဗ် ရိုဇင်ဘဂ် ရဲ့ သတင်းကို ကိုမင်းထက်က ပြောပြပေးမှာပါ။